ലക്ഷദ്വീപിൽ പുതിയ വിമാനത്താവളം നിർമിക്കാനൊരുങ്ങി കേന്ദ്രം

പ്രധാനമന്ത്രി നരേന്ദ്രമോദിയുടെ സന്ദർശനവുമായി ബന്ധപ്പെട്ട വിവാദങ്ങൾക്കുപിന്നാലെ ലക്ഷദ്വീപിൽ പുതിയ വിമാനത്താവളം നിർമിക്കാനൊരുങ്ങി കേന്ദ്രസർക്കാർ. മിനിക്കോയ് ദ്വീപിൽ സൈനിക വിമാനങ്ങൾക്കും യാത്രാവിമാനങ്ങൾക്കും ഒരുപോലെ ഉപയോഗിക്കാനാകുന്ന വിധത്തിലുള്ള വിമാനത്താവളമാണ് ലക്ഷ്യമിടുന്നത്. വിമാനത്താവളത്തിനായി മുമ്പ് നൽകിയിരുന്ന പദ്ധതിരേഖ പരിഷ്കരിച്ചു.