ഡൽഹി യൂണിവേഴ്സിറ്റി വിദ്യാർഥിനിക്ക് നേരെ തോക്ക് ചൂണ്ടി ആസിഡ് ആക്രമണം. ലക്ഷ്മിഭായ് കോളജിലെ രണ്ടാം വർഷ വിദ്യാർതഥിനിക്ക് നേരെയാണ് മൂന്നംഗ സംഘം ആക്രമണം നടത്തിയത്. ഡിസ്റ്റൻസ് ആയി പഠിച്ചുകൊണ്ടിരുന്ന വിദ്യാർത്ഥിനി ഇന്നലെ കോളേജിലേക്ക് പോകുന്നതിനിടെയാണ് ആക്രമണമുണ്ടായത്. ആസിഡ് ആക്രണം കൈ കൊണ്ട് തടഞ്ഞ പെൺകുട്ടിയുടെ കൈക്ക് പൊള്ളലേറ്റു.
ഇതിൽ ഒരാൾ പെൺകുട്ടിയുടെ സുഹൃത്താണെന്നാണ് പൊലീസ് പറയുന്നത്. പൊലീസ് പെൺകുട്ടിയുടെ മൊഴി രേഖപ്പെടുത്തി. അക്രമത്തിൻ്റെ കാരണം വ്യക്തമല്ല. പ്രതികൾക്കായി തിരച്ചിൽ ആരംഭിച്ചു.