കെ യു ബിജു കൊലക്കേസിലെ 13 പ്രതികളെ വെറുതെ വിട്ടു : പ്രോസിക്യൂഷന് കേസിൽ വീഴ്ച സംഭവിച്ചിട്ടില്ലെന്ന് പ്രോസിക്യൂട്ടർ ആർ. രവീന്ദ്രൻ

കെ യു ബിജു കൊലക്കേസിൽ പ്രതികളെ വെറുതെ വിട്ട സംഭവത്തിൽ പ്രതികരണവുമായി പബ്ലിക് പ്രോസിക്യൂട്ടർ പാരിപ്പിള്ളി ആർ. രവീന്ദ്രൻ. കോടതി വെറുതെവിട്ടത് 13 ആർഎസ്എസ്-ബിജെപി പ്രവർത്തകരെയാണ്. സിപിഎം നേതാവായിരുന്ന അദ്ദേഹത്തെ കൊലപ്പെടുത്തിയ കേസിൽ തെളിവുകൾ അപര്യാപ്തമായിരുന്നുവെന്നും സാക്ഷി മൊഴികളിൽ കോടതി അവിശ്വാസം പ്രകടിപ്പിക്കുകയും ചെയ്തു.

പ്രോസിക്യൂഷന് കേസിൽ വീഴ്ച സംഭവിച്ചിട്ടില്ലെന്ന് ആർ. രവീന്ദ്രൻ പറഞ്ഞു. കോടതിക്ക് ശരിയായ നിലയിൽ തെളിവ് വിലയിരുത്താൻ കഴിഞ്ഞില്ല. കോടതിയുടെ ബിജു മൊഴി നൽകിയില്ലെന്ന വാദം വിചിത്രമാണെന്നും ആർ. രവീന്ദ്രൻ പറഞ്ഞു.ഒരു സംഘം 2008 ജൂൺ 30 നാണ് കെ യു ബിജുവിനെ ആക്രമിക്കുന്നത്. ജൂലൈ രണ്ടിന് ബിജു ചികിത്സയിലിരിക്കെ മരിച്ചു. രാഷ്ട്രീയ വിരോധം മൂലം ആർഎസ്എസ്-ബിജെപി പ്രവർത്തകർ സഹകരണ ബാങ്കിലെ കുറി പിരിക്കാൻ സൈക്കിളിൽ വരുകയായിരുന്ന ബിജുവിനെ തടഞ്ഞ് നിർത്തി ആക്രമിക്കുകയായിരുന്നു. ഇരുമ്പ് പൈപ്പുകൾ കൊണ്ട് തലക്കും കൈകാലുകൾക്കും മാരകമായി അടിക്കുകയായിരുന്നു.

പ്രോസിക്യൂഷൻ കേസ് കൊലപ്പെടുത്തിയെന്നായിരുന്നു . കേസിലെ പ്രതികൾ ജോബ്, പ്രായപൂർത്തിയാകാത്ത ഒരാൾ, ഗിരീഷ്, സേവ്യർ, സുബിൻ, ബി.ജെ.പി ജില്ലാ വൈസ് പ്രസിഡന്റായിരുന്ന ശ്രീകുമാർ, മനോജ്, ഉണ്ണികൃഷ്‌ണൻ തുടങ്ങിയവരായിരുന്നു. തൃശ്ശൂർ ജുവനൈൽ ജസ്റ്റിസ് കോടതിയിൽ പ്രായപൂർത്തിയാകാത്ത രണ്ടാം പ്രതിയുടെ വിചാരണ നടക്കുകയാണ്..