ഒറ്റപ്പാലം: നിയമസഭാ തെരഞ്ഞെടുപ്പ് പ്രചാരണ പ്രവർത്തനങ്ങൾ ശക്തമാക്കാൻ എൻഡിഎ. ഇതിന്റെ ഭാഗമായി എൻഡിഎ സ്ഥാനാർത്ഥിയായ മേജർ രവി നാളെ മണ്ഡലത്തിലെ വിവിധ കേന്ദ്രങ്ങൾ സന്ദർശിക്കും. മണ്ഡലത്തിലെ പ്രവർത്തകരുമായി കൂടിക്കാഴ്ച നടത്തുകയും വിവിധ പ്രചാരണ പരിപാടികൾക്ക് നേതൃത്വം നൽകുകയും ചെയ്യും.
പ്രചാരണത്തിന്റെ ഭാഗമായി ഒറ്റപ്പാലത്ത് സംഘടിപ്പിക്കുന്ന ചുവരെഴുത്ത് ഉദ്ഘാടനം കേന്ദ്രമന്ത്രി സുരേഷ് ഗോപി നിർവഹിക്കും. എൻഡിഎ പ്രവർത്തകരും പ്രാദേശിക നേതാക്കളും പങ്കെടുക്കുന്ന പരിപാടിയോടെ മണ്ഡലത്തിലെ തെരഞ്ഞെടുപ്പ് പ്രചാരണത്തിന് പുതിയ ഉണർവ് ലഭിക്കുമെന്നാണ് പ്രതീക്ഷ. ചുമരെഴുത്ത് ഉദ്ഘാടനം മണ്ഡലത്തിലെ തെരഞ്ഞെടുപ്പ് പ്രചാരണത്തിന്റെ പ്രധാന തുടക്കമായി കണക്കാക്കപ്പെടുന്നു.