കൊച്ചി: കൊക്കകോളയുടെ ഐക്കണിക് സ്പോര്ട്സ് ഹൈഡ്രേഷന് ബ്രാന്ഡായ പവറേഡ്, ലോകത്തിലെ ഏറ്റവും വലിയ ക്രിക്കറ്റ് ടൂര്ണമെന്റുകളിലൊന്നായ ഐസിസി പുരുഷ ടി20 ലോകകപ്പിലൂടെ ഇന്ത്യയില് അരങ്ങേറ്റം കുറിച്ചു. കായികരംഗത്തെയും സജീവ ജീവിതശൈലിയെയും ആസ്പദമാക്കിയ ബ്രാന്ഡുകള് വഴി തങ്ങളുടെ പോര്ട്ട്ഫോളിയോ വിപുലീകരിക്കുന്നതിലുള്ള കൊക്കകളയുടെ ശ്രമങ്ങളേയും ഈ നീക്കം ശക്തിപ്പെടുത്തുന്നു. കായികപ്രകടനത്തിനായി രൂപകല്പ്പന ചെയ്ത സ്പോര്ട്സ് ഹൈഡ്രേഷന് സൊല്യൂഷനായ പവറേഡ്, വിറ്റാമിന് ബി3യും ഇലക്ട്രോലൈറ്റുകളും ഉള്ക്കൊള്ളുന്നു. ഉയര്ന്ന തീവ്രതയുള്ള പരിശീലനത്തിനും മത്സര കായികരംഗത്തിനും സജീവ ജീവിതശൈലിക്കും അനുയോജ്യമായ രീതിയിലാണ് ഇത് വികസിപ്പിച്ചിരിക്കുന്നത്. ഇന്ത്യയില് ‘മൗണ്ടന് ബ്ലാസ്റ്റ്’ (നീല)യും ‘ഫ്രൂട്ട് പഞ്ച്’ (ചുവപ്പ്) എന്നിങ്ങനെ രണ്ട് ഫ്ളേവറുകളിലാണ് ലോകാലോറി ഫോര്മുലേഷനോടെ അവതരിപ്പിക്കുന്നത്.
ഫെബ്രുവരി 22ന് അഹമ്മദാബാദില് നടന്ന ഇന്ത്യയുടെ സൂപ്പര് 8 മാച്ചിനോടനുബന്ധിച്ച് ഓണ്ഗ്രൗണ്ട് ആക്ടിവേഷനോടെയാണ് ബ്രാന്ഡ് ലോഞ്ച് ആഘോഷിച്ചത്. മത്സരദിവസം സ്റ്റേഡിയം മുഴുവന് പവറേഡ് ഏറ്റെടുത്ത് ഇന്ത്യയിലെ ഔദ്യോഗിക അരങ്ങേറ്റം ശക്തമായി പ്രഖ്യാപിച്ചു.
ലോഞ്ചിനെക്കുറിച്ച് പ്രതികരിച്ച കൊക്കാകോള ഇന്ത്യയിലെ ഹൈഡ്രേഷന്, സ്പോര്ട്സ് & ടീ വിഭാഗം സീനിയര് ഡയറക്ടര് അങ്കിത മഹ്ന പറഞ്ഞു:
”ഇന്ത്യയില് കായികം വീഥികളിലും കളിസ്ഥലങ്ങളിലും ജിമ്മുകളിലും ദിവസേനയുള്ള ജീവിതരീതികളിലും ജീവിക്കുന്നു. പ്രൊഫഷണല് പരിശീലനത്തിലോ ദിവസേന സ്വയം മെച്ചപ്പെടുത്താനുള്ള ശ്രമത്തിലോ ആയാലും, ആ അതിവിശ്രമ നിമിഷങ്ങളില് ആളുകളെ പിന്തുണയ്ക്കുകയാണ് പവറേഡിന്റെ ലക്ഷ്യം. ടി20 ലോകകപ്പിലൂടെ ശക്തമായ തുടക്കമാണ് നമുക്ക് ലഭിക്കുന്നത്. എന്നാല് ടൂര്ണമെന്റിന് അപ്പുറത്തേക്കാണ് നമ്മുടെ ദൃഷ്ടി. ഇന്ത്യയുടെ കായികാഭിലാഷത്തോടും സജീവ ജീവിതശൈലിയോടും കൂടെ വളരുന്ന ദീര്ഘകാല സ്പോര്ട്സ് ഹൈഡ്രേഷന് ബ്രാന്ഡായി പവറേഡിനെ നിര്മ്മിക്കുകയാണ് ഞങ്ങളുടെ ലക്ഷ്യം.”
‘ഫ്യൂവല് യുവര് പവര്’ എന്ന ഉയര്ന്ന പ്രഭാവമുള്ള ഇന്റഗ്രേറ്റഡ് മാര്ക്കറ്റിംഗ് ക്യാംപെയിനോടെയാണ് ലോഞ്ച്. ഇന്ത്യന് ക്രിക്കറ്റ് താരമായ ശുഭ്മാന് ഗില്ലും ഒളിമ്പിക് സ്വര്ണ്ണജേതാവായ നീരജ് ചോപ്രയും ക്യാംപെയിനിന്റെ മുഖങ്ങളാണ്. ക്രിക്കറ്റിന്റെയും അത്ലറ്റിക്സിന്റെയും ശക്തിയും തീവ്രതയും ഒരുമിപ്പിക്കുന്നതാണ് ഈ പ്രചാരണം.
”ഇന്ത്യയില് പവറേഡ് ആരംഭിക്കുന്നതിന്, ഞങ്ങള് ഒരു ദൈനംദിന അത്ലറ്റിന്റെ മനസ്സിലേക്ക് ഇറങ്ങിച്ചെല്ലാന് തീരുമാനിച്ചു. പോരാട്ടം എപ്പോഴും മനസ്സും ശരീരവും തമ്മിലാണ്, മനസ്സ് മുന്നോട്ട് പോകാന് ആഗ്രഹിക്കുന്നു, പക്ഷേ ഊര്ജ്ജ നിലകള് ‘നിര്ത്തുക’ എന്ന് പറയുന്നു. പവറേഡ് അവരെ മുന്നോട്ട് നയിക്കുന്നതില് ഇന്ധനമാക്കുന്നു. അന്താരാഷ്ട്ര കായിക ഐക്കണുകളാകാമെങ്കിലും, തിരശ്ശീലയ്ക്ക് പിന്നില്, അവരുടെ വ്യായാമ പോരാട്ടം നമ്മുടേതിന് സമാനമായിരിക്കാം, ശുഭ്മാന് ഗില്ലിലും നീരജ് ചോപ്രയിലും ഞങ്ങള് തികഞ്ഞ പൊരുത്തം കണ്ടെത്തി. പവറേഡിനെ എല്ലാവരുടെയും ശക്തിക്ക് ഇന്ധനമാക്കുന്നു” ഓഗില്വി ഇന്ത്യയുടെ സിസിഒ സുകേഷ് നായക് പറഞ്ഞു.
ശുഭ്മന് ഗില് പറഞ്ഞു:
”കായികരംഗത്തെ വലിയ നേട്ടങ്ങള്ക്കു പിന്നില് സ്പോട്ട്ലൈറ്റിന് പുറത്തുള്ള പരിശീലനവും പുനരുജ്ജീവനവുമുണ്ട്. ശരിയായ ഹൈഡ്രേഷന് അതിലെ അടിസ്ഥാന ഘടകമാണ്. ഇന്ത്യയില് പവറേഡ് അരങ്ങേറ്റം കുറിക്കുമ്പോള് അതുമായി സഹകരിക്കാന് കഴിഞ്ഞതില് സന്തോഷമുണ്ട്.”
നീരജ് ചോപ്ര പറഞ്ഞു:
”കഠിനമായ പരിശീലന ദിവസങ്ങളില് തയ്യാറെടുപ്പാണ് ഏറ്റവും പ്രധാനപ്പെട്ടത്. വിവിധ കായികവിഭാഗങ്ങളിലെ അത്ലറ്റുകളെ പിന്തുണയ്ക്കാന് പവറേഡ് ഇന്ത്യയിലെത്തുന്നത് സന്തോഷകരമാണ്.”
2026 മാര്ച്ചുമുതല് പവറേഡ് ഇന്ത്യയില് ലഭ്യമാകും. 250 മില്ലി ലിറ്റര് പാക്ക് 20 രൂപ എന്ന വിലയ്ക്കും 500 മില്ലി ലിറ്റര് പാക്ക് 50 രൂപ എന്ന വിലയ്ക്കുമാണ് വിപണിയിലെത്തുന്നത്. സജീവ ജീവിതശൈലിക്കും പുതിയ ഉപഭോഗ അവസരങ്ങള്ക്കുമൊത്തുള്ള പാനീയങ്ങള് അവതരിപ്പിക്കുന്നതിലുള്ള കൊക്കാകോള ഇന്ത്യയുടെ പ്രതിബദ്ധതയും ഈ ലോഞ്ച് ശക്തിപ്പെടുത്തുന്നു.