പാകിസ്ഥാനിൽ അവശ്യ വസ്തുക്കൾക്ക് ഉൾപ്പെടെ വില കുതിച്ചുയരുന്നു എന്ന് റിപ്പോർട്ട്. പാക് – അഫ്ഗാൻ സംഘർഷത്തെ തുടർന്ന് അതിർത്തികൾ അടച്ചതാണ് പാകിസ്ഥാനിൽ വിലക്കയറ്റം രൂക്ഷമാകാൻ കാരണം. ഇതേതുടർന്ന് രാജ്യത്തെ അടിസ്ഥാന ആവശ്യ സാധനങ്ങളുടെ വില കുത്തനെ ഉയർന്നു. തക്കളി ഉൾപ്പെടെയുള്ള പച്ചക്കറികൾക്ക് പാകിസ്ഥാൻ വിപണിയിൽ തീവിലയാണ്.
റോയിട്ടേഴ്സ് റിപ്പോർട്ട് പ്രകാരം, തക്കളിയുടെ വില ചില പ്രദേശങ്ങളിൽ ഒരു കിലോയ്ക്ക് 600 രൂപ മുതൽ 700 രൂപ വരെ ഉയർന്നിട്ടുണ്ട്. കറാച്ചി, റാവൽപിണ്ടി, ലാഹോർ എന്നിവിടങ്ങളിലാണ് വില ഏറ്റവും കുത്തനെ കുതിച്ചത്.
വില വർധനവിന്റെ പ്രധാന കാരണം
അഫ്ഗാൻ അതിർത്തി അടച്ചത്:
അഫ്ഗാനിസ്ഥാനിൽ നിന്നുള്ള പച്ചക്കറി ഇറക്കുമതികൾ പൂർണ്ണമായും തടസ്സപ്പെട്ടതിനാൽ പാക്കിസ്ഥാനിലെ വിപണിയിൽ വൻ ക്ഷാമം രൂപപ്പെട്ടു.
ആഭ്യന്തര വിതരണ പ്രശ്നങ്ങൾ:
ആഭ്യന്തര ഉത്പാദനം കുറവായതും, ട്രാൻസ്പോർട്ട് ചെലവുകൾ വർധിച്ചതും വിലയിൽ കൂടുതൽ സമ്മർദം സൃഷ്ടിച്ചു.
ഇന്ധനവില വർധന:
ട്രാൻസ്പോർട്ട് ചെലവുകൾ കൂടിയതോടെ ഭക്ഷ്യവസ്തുക്കളുടെ വിലയും സ്വാഭാവികമായി ഉയർന്നു.
അഫ്ഗാൻ അതിർത്തി അടച്ചതോടെ വിതരണവഴികൾ പൂർണ്ണമായും തകരാറിലായെന്ന് വ്യാപാരികൾ പറയുന്നു. ഇപ്പോൾ ഒരു ട്രക്ക് തക്കളി കിട്ടാൻ പോലും കാത്തിരിക്കേണ്ട അവസ്ഥയാണെന്നും വ്യാപാരികൾ വ്യക്തമാക്കി. ഉപഭോക്താക്കൾ വില നിയന്ത്രിക്കണമെന്നാവശ്യപ്പെട്ട് സർക്കാർ ഇടപെടണമെന്ന് ആവശ്യപ്പെട്ടു. പലരും തക്കളിയുടെ ഉപയോഗം കുറയ്ക്കുകയോ, പകരം മറ്റു പച്ചക്കറികൾ ഉപയോഗിക്കുകയോ തുടങ്ങിയിട്ടുണ്ട്.
പാകിസ്ഥാൻ സർക്കാർ വിലവർധനവിനെക്കുറിച്ച് അടിയന്തിര യോഗം ചേർത്തു. അതിർത്തി വ്യാപാര നിയന്ത്രണം കുറയ്ക്കാനും, പച്ചക്കറി ഇറക്കുമതിക്ക് താൽക്കാലിക അനുമതി നൽകാനുമുള്ള നീക്കങ്ങൾ പരിഗണിക്കപ്പെടുകയാണ്. അതിർത്തി സുരക്ഷ ഉറപ്പാക്കുന്നതിനൊപ്പം ജനങ്ങളുടെ അടിസ്ഥാന ആവശ്യങ്ങൾ സംരക്ഷിക്കാൻ വേണ്ട എല്ലാ നടപടികളും സ്വീകരിക്കുമെന്നാണ് സർക്കാർ വ്യക്തമാക്കുന്നത്.