തിരുവനന്തപുരം: നിയുക്ത മുഖ്യമന്ത്രി വി ഡി സതീശന്റെ സത്യപ്രതിജ്ഞാ ചടങ്ങിൽ തമിഴ്നാട് മുഖ്യമന്ത്രി ജോസഫ് വിജയ് പങ്കെടുക്കും. തിങ്കളാഴ്ച രാവിലെ തിരുവനന്തപുരത്തെത്തുന്ന അദ്ദേഹം ചടങ്ങിൽ പങ്കെടുത്ത ശേഷം മടങ്ങുമെന്നാണ് ലഭിക്കുന്ന വിവരം. രാവിലെ 9 മണിയോടെയാണ് വിജയ് തിരുവനന്തപുരം വിമാനത്താവളത്തിലെത്തുക. സത്യപ്രതിജ്ഞാ ചടങ്ങിൽ പങ്കെടുത്തതിന് ശേഷം രാവിലെ 11 മണിയോടെ അദ്ദേഹം മടങ്ങുമെന്നാണ് സൂചന.
തമിഴ്നാട്ടിലെ ജനപ്രിയ നേതാവും നടനുമായ ജോസഫ് വിജയിന്റെ സാന്നിധ്യം ചടങ്ങിന് കൂടുതൽ ശ്രദ്ധ നേടിക്കൊടുക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ. വിവിധ സംസ്ഥാനങ്ങളിൽ നിന്നുള്ള പ്രമുഖ രാഷ്ട്രീയ നേതാക്കളും ചടങ്ങിൽ പങ്കെടുക്കാനിടയുണ്ടെന്നാണ് വിവരം.
വി ഡി സതീശൻ മുഖ്യമന്ത്രിയായി അധികാരമേൽക്കുന്ന ചടങ്ങിനായുള്ള ഒരുക്കങ്ങൾ തലസ്ഥാനത്ത് പുരോഗമിക്കുകയാണ്. സുരക്ഷാ ക്രമീകരണങ്ങളും അതിഥി സ്വീകരണ സംവിധാനങ്ങളും ശക്തമാക്കിയിട്ടുണ്ട്.