വാഷിങ്ടൺ: ഇറാന്റെ പുതിയ സുപ്രീം ലീഡറായി തെരഞ്ഞെടുക്കപ്പെട്ട മൊജ്താബ ഖമനേയി സ്വവർഗാനുരാഗിയെന്ന് കേന്ദ്ര ഇന്റലിജൻസ് ഏജൻസി (സിഐഎ)യുടെ കണ്ടെത്തൽ. അമേരിക്കൻ ഇന്റലിജൻസ് ഏജൻസിയായ സിഐഎ നൽകിയ വിവരങ്ങൾ സംബന്ധിച്ച റിപ്പോർട്ടുകൾ സ്ഥിരീകരിച്ചതായി അമേരിക്കൻ പ്രസിഡന്റ് ഡൊണാൾഡ് ട്രംപ് അറിയിച്ചു. മൊജ്തബ ഖമെനെയി സ്വവർഗാനുരാഗിയാണെന്ന സൂചനകളാണ് സിഐഎ നൽകിയതെന്ന് ട്രംപ് പറഞ്ഞു.
“അവർ അങ്ങനെ പറഞ്ഞിട്ടുണ്ട്. എന്നാൽ അത് സിഐഎ മാത്രം പറഞ്ഞതാണോ എന്നെനിക്ക് വ്യക്തമല്ല. പലരും ഇതേ കാര്യം പറയുന്നുണ്ട്. അത് ആ രാജ്യത്തിന്റെ സാഹചര്യത്തിൽ അദ്ദേഹത്തിന് നല്ല തുടക്കമല്ല” – ഫോക്സ് ന്യൂസിനു നൽകിയ അഭിമുഖത്തിൽ ട്രംപിൻറെ പ്രതികരണം.
അമേരിക്കൻ ഇന്റലിജൻസ് ബ്രിഫിംഗിനിടെ മൊജ്തബ ഖമെനെയി സ്വവർഗാനുരാഗിയാണെന്ന വിവരം കേട്ടപ്പോൾ ട്രംപ് അതിശയിച്ചുവെന്നും റിപ്പോർട്ടിൽ പറയുന്നു. അതേസമയം, ഈ കാരണത്താൽ തന്നെ അദ്ദേഹത്തിന്റെ ഭരണയോഗ്യതയെക്കുറിച്ച് പിതാവായ അയത്തുള്ള അൽ ഖമനേയി ആശങ്ക പ്രകടിപ്പിച്ചിരുന്നുവെന്നും റിപ്പോർട്ടിൽ സൂചിപ്പിച്ചിരുന്നു.