പിഎം ശ്രീ പദ്ധതിയുടെ ധാരണാപത്രം മരവിപ്പിക്കാൻ സിപിഐഎം വഴങ്ങുന്നതായി സൂചന. ധാരണാപത്രം മരവിപ്പിക്കുന്നുവെന്ന് അറിയിച്ചുകൊണ്ട് കേന്ദ്ര സർക്കാരിന് കത്ത് നൽകാനാണ് നിലവിലെ തീരുമാനം.
സിപിഐഎം കേന്ദ്രകമ്മിറ്റി അംഗം എം.എ. ബേബിയുടെ മധ്യസ്ഥതയിലാണ് മുന്നണിക്കുള്ളിലെ ഈ വിഷയത്തിൽ ഒത്തുതീർപ്പ് ശ്രമങ്ങൾ നടന്നത്. പിഎം ശ്രീ ധാരണാപത്രം മരവിപ്പിക്കണമെന്നത്, തർക്കം പരിഹരിക്കാൻ സിപിഐ മുന്നോട്ട് വെച്ച പ്രധാന ഉപാധിയായിരുന്നു. ഈ ഉപാധി സിപിഐഎം അംഗീകരിച്ചതായാണ് വിവരം.
ഇതുമായി ബന്ധപ്പെട്ട കത്തിന്റെ കരട് സിപിഐഎം തയ്യാറാക്കി, സിപിഐ ജനറൽ സെക്രട്ടറി ഡി. രാജയ്ക്ക് കൈമാറി. മലയാളത്തിലുള്ള ഈ കത്ത് നിലവിൽ സിപിഐ സംസ്ഥാന നേതൃത്വം പരിശോധിച്ചു വരികയാണ്. തുടർന്ന് ഈ വിഷയം സിപിഐ ദേശീയ സെക്രട്ടേറിയറ്റ് ചർച്ച ചെയ്ത് അന്തിമ തീരുമാനമെടുക്കും.