2025 നവംബറിലെ എസ്യുവി വിൽപ്പനയിൽ മാരുതി സുസുക്കി ശക്തമായ പ്രകടനം രേഖപ്പെടുത്തി. ടോപ്പ്-4-ൽ കമ്പനിയുടെ ഒരു എസ്യുവിക്കും നേടാനായില്ലെങ്കിലും, ഫ്രോങ്ക്സ്, ബ്രെസ, വിക്ടർ, ഗ്രാൻഡ് വിറ്റാര എന്നീ മാരുതിയുടെ നാല് എസ്യുവികൾ മൊത്തത്തിലുള്ള ടോപ്പ്-10 വിൽപ്പന പട്ടികയിൽ ഇടം നേടി. ടാറ്റ നെക്സോണും പഞ്ചും വിൽപ്പനയിൽ മുന്നിലെത്തിയപ്പോൾ, 15,058 യൂണിറ്റുകളുമായി മാരുതി സുസുക്കി ഫ്രോങ്ക്സ് അഞ്ചാം സ്ഥാനം നേടി. 2024 നവംബറിൽ 14,882 യൂണിറ്റുകൾ നേടിയതിനേക്കാൾ അൽപ്പം കൂടുതലാണ് ഈ കണക്ക്.
10 എസ്യുവികൾ യൂണിറ്റുകൾ
ടാറ്റാ നെക്സോൺ – 22,434
ടാറ്റാ പഞ്ച് – 18,753
ഹ്യുണ്ടായി ക്രെറ്റ – 17,344
മഹീന്ദ്ര സ്കോർപിയോ – – 15,616
മാരുതി സുസുക്കി ഫ്രോങ്ക്സ് – 15,058
മാരുതി സുസുക്കി ബ്രെസ്സ – 13,947
മാരുതി സുസുക്കി വിക്ടോറിസ് – 12,300
കിയ സോനെറ്റ് – 12,051
ഹ്യുണ്ടായി വെന്യു – 11,645
മാരുതി സുസുക്കി ഗ്രാൻഡ് വിറ്റാര – 11,339
ആറാം സ്ഥാനത്ത് ബ്രെസ്സ
മാരുതി സുസുക്കി ബ്രെസ്സ ആറാം സ്ഥാനത്താണ് വിൽപ്പന പട്ടികയിൽ. ബ്രെസ്സയുടെ 13,947 യൂണിറ്റുകൾ 2025 നവംബറിൽ വിറ്റു, മുൻ വർഷത്തെ അപേക്ഷിച്ച് ഏകദേശം 7% കുറവ് രേഖപ്പെടുത്തിയിരുന്നു. വിശ്വസനീയമായ എഞ്ചിനുകൾ, ശക്തമായ നെറ്റ്വർക്ക് എന്നിവ കൊണ്ട് ഇത് മറ്റു പുതിയ എസ്യുവികളിൽ നിന്നും വ്യത്യസ്തമായിരിക്കുന്നു.
വിക്ടോറിയസിനും ഉയർന്ന ഡിമാൻഡ്
മാരുതിയുടെ പുതിയ എസ്യുവിയായ വിക്ടോറിസിനും നവംബറിൽ മികച്ച തുടക്കം ലഭിച്ചിരുന്നു. 12,300 യൂണിറ്റുകൾ വിറ്റഴിച്ച് ഏഴാം സ്ഥാനമാണ് ഈ മോഡലിന്. സെപ്റ്റംബർ പകുതിയിൽ പുറത്തിറങ്ങിയതിനുശേഷം ഇതിന്റെ മൊത്തം വിൽപ്പന 30,000 യൂണിറ്റുകളാണ്. കുറഞ്ഞ സമയത്തിനുള്ളിൽ ആദ്യ 10 സ്ഥാനങ്ങളിൽ 12,000 യൂണിറ്റുകൾ വിറ്റഴിച്ചത് വിക്ടോറിസിനോടുള്ള വിപണിയുടെ ശക്തമായ സ്വീകാര്യത തെളിയിക്കുന്നുണ്ട്
ഗ്രാൻഡ് വിറ്റാര ആദ്യ പത്തിൽ
പട്ടികയിൽ പത്താം സ്ഥാനത്താണ് ഗ്രാൻഡ് വിറ്റാര. ഇത് 11,339 യൂണിറ്റുകളാണ് 2025 നവംബറിൽ വിറ്റത്. മുൻ വർഷത്തേക്കാൾ 12 ശതമാനം വർധനയാണ് ഉണ്ടായിരിക്കുന്നത്. ഈ നാല് എസ്യുവികളും 2025 നവംബറിൽ മൊത്തത്തിൽ, 52,644 യൂണിറ്റുകളാണ് വിറ്റഴിച്ചത്.