വിനോദ സഞ്ചാരികളുമായി പോയ വാൻ കാറുമായി കൂട്ടിയിടിച്ച് മറിഞ്ഞു. കാർ യാത്രികർ ഉൾപ്പെടെ 26 പേർക്ക് പരിക്ക്. ആരുടെയും പരിക്ക് ഗുരുതരമല്ല. കോട്ടയം മൂന്നിലവ് കുഴികുത്തിയാനി വളവിലാണ് അപകടമുണ്ടായത്. ഇന്നലെ വൈകീട്ട് ഏഴ് മണിയോടെയായിരുന്നു സംഭവം. അപകടത്തിൽ കാർ പൂർണമായും തകർന്നു. ഇല്ലിക്കൽകല്ല് സന്ദർശിച്ച് മടങ്ങിയ തിരുവനന്തപുരം നെടുമങ്ങാട് സ്വദേശികളാണ് വാനിലുണ്ടായിരുന്നത്.
ഇതിനിടെ, തിരുവനന്തപുരം വെഞ്ഞാറമൂട് കാർ നിയന്ത്രണം വിട്ട് കുഴിയിലേക്ക് മറിഞ്ഞും അപകടമുണ്ടായി. അപകടത്തിൽ കാർ ഡ്രൈവർക്ക് തലയ്ക്ക് ഗുരുതരമായി പരിക്കേറ്റു. കല്ലറ കുറ്റിമൂട് സ്വദേശി നിസാമുദ്ദീനാണ് പരിക്കേറ്റത്. ഇയാളെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.