തിരുവനന്തപുരം: സോഷ്യല് മീഡിയ പ്ലാറ്റ്ഫോമുകളില് നിന്നും വാര്ത്തകള് നീക്കുന്ന നടപടിയില് പ്രതിഷേധം കടുക്കുന്നു. തനിക്കെതിരെ വാര്ത്തകള് കൊടുക്കുന്നവരെ കൈകാര്യം ചെയ്യുകയെന്നതാണ് സതീശന് സര്ക്കാരിന്റെ രീതിയെന്ന് വി ശിവന്കുട്ടി പറഞ്ഞു. വി ഡി സതീശന് ധാര്ഷ്ട്യവും അഹങ്കാരവുമാണെന്നും ശിവന്കുട്ടി ആരോപിച്ചു.
‘എല്ലാ കാര്യത്തിലും ഒരു ബിജെപി ടച്ച് ഉണ്ട്. ഏത് വിവാദ വിഷയങ്ങള് എടുത്തുനോക്കിയാലും ബിജെപിയെ സഹായിക്കുന്നുവെന്നതാണ് പ്രശ്നം. തനിക്കെതിരെ വരുന്ന വാര്ത്തകളെയും വാര്ത്ത കൊടുക്കുന്ന മാധ്യമങ്ങളെയും കൈകാര്യം ചെയ്യുന്നതാണ് വി ഡി സതീശന്റെ അജണ്ട. കേരളം പോലൊരു സംസ്ഥാനത്ത് അങ്ങനെ മാധ്യമങ്ങളെ കൈകാര്യം ചെയ്യാന് കഴിയില്ല. ധാര്ഷ്ട്യത്തിന്റേയും അഹങ്കാരത്തിന്റെയും ധിക്കാരത്തിന്റേയും പ്രശ്നമാണ്” – വി ശിവന്കുട്ടി പറഞ്ഞു.