പ്രതീക്ഷിച്ചതിലും വലിയ വിജയവുമായി പ്രണവ് മോഹൻലാലിനെ നായകനാക്കി രാഹുൽ സദാശിവൻ ഒരുക്കിയ ‘ഡീയസ് ഈറെ’ തിയേറ്ററുകളിൽ പ്രദർശനം തുടരുകയാണ്. റിലീസ് ചെയ്ത് രണ്ടാഴ്ച പിന്നിടുമ്പോഴും മിക്ക കേന്ദ്രങ്ങളിലും ചിത്രം നിറഞ്ഞ സദസ്സിലാണ് ഓടുന്നത്.
ഇപ്പോഴിതാ ചിത്രം ഉടൻ തന്നെ 100 കോടി ക്ലബ്ബിലേക്ക് ഇടം പിടിക്കുമോ എന്ന ആകാംക്ഷയിലാണ് സിനിമാ ലോകവും ആരാധകരും. കഴിഞ്ഞ ദിവസമാണ് ‘ഡീയസ് ഈറെ’ 50 കോടിയിലധികം കളക്ഷൻ നേടിയത്. ഏറ്റവും പുതിയ റിപ്പോർട്ടുകൾ അനുസരിച്ച്, ചിത്രം ഇതുവരെയായി ആഗോളതലത്തിൽ 70 കോടിയിലധികം രൂപ നേടിയിരിക്കുന്നു.
ഒരു ‘എ’ സർട്ടിഫിക്കറ്റ് ലഭിച്ച ഹൊറർ സിനിമ വെറും 10 ദിവസത്തിനുള്ളിലാണ് ഈ മികച്ച നേട്ടം കൈവരിച്ചത് എന്നത് ശ്രദ്ധേയമാണ്. ഇന്ത്യക്ക് പുറത്തും ചിത്രത്തിന് മികച്ച സ്വീകാര്യത ലഭിക്കുന്നുണ്ട്. ഈ കളക്ഷൻ നിരക്കിൽ മുന്നോട്ട് പോയാൽ, ചിത്രം ഉടൻ തന്നെ 100 കോടി നേടുമെന്നാണ് ചലച്ചിത്ര വിശകലന വിദഗ്ദ്ധരുടെ പ്രവചനം.
ഇതോടെ ഒരു അത്യപൂർവ്വ നേട്ടത്തിന് പ്രണവ് മോഹൻലാലും അർഹനായി. ഈ വർഷം തുടർച്ചയായി മൂന്ന് ചിത്രങ്ങൾ 50 കോടിയിലധികം കളക്ഷൻ നേടിയ മലയാളത്തിലെ ആദ്യ നടൻ എന്ന റെക്കോർഡ് മോഹൻലാൽ സ്വന്തമാക്കിയിരുന്നു. ഇപ്പോഴിതാ, 50 കോടിയിലധികം നേടുന്ന ചിത്രം എന്ന റെക്കോർഡ് പ്രണവ് മോഹൻലാലും സ്വന്തമാക്കിയിരിക്കുകയാണ്.