തിരുവനന്തപുരം: വിദേശത്ത് മികച്ച ജോലി സ്വപ്നം കാണുന്ന നഴ്സിങ് ഉദ്യോഗാര്ത്ഥികള്ക്ക് ഒരു സുവര്ണ്ണാവസരം. ഒഡപെക് വഴിയാണ് നിയമനങ്ങള് നടക്കുന്നത്. യോഗ്യതയും അപേക്ഷിക്കേണ്ട രീതിയും താഴെ വിവരിക്കുന്നു.
യുഎഇയില് വ്യവസായ മേഖലയില് നഴ്സിങ് അവസരങ്ങള്:
യുഎഇയിലെ പ്രമുഖ കമ്പനികളിലേക്ക് ഇന്ഡസ്ട്രിയല് മെയില് നഴ്സ് തസ്തികയില് നൂറോളം ഒഴിവുകളാണ് ഒഡപെക് റിപ്പോര്ട്ട് ചെയ്തിരിക്കുന്നത്.
ശമ്പളം: പ്രതിമാസം 5000 യുഎഇ ദിര്ഹം (ഏകദേശം 1,30,000 രൂപ)
പ്രായപരിധി: 40 വയസ്സ് വരെ (പുരുഷന്മാര്ക്ക് മാത്രം)
ജോലി സമയം: ആഴ്ചയില് 60 മണിക്കൂര്
ആവശ്യമായ യോഗ്യതകള്:
വിദ്യാഭ്യാസം: ബിഎസ്സി നഴ്സിങ്
ലൈസന്സ്: HAAD അല്ലെങ്കില് DOH ലൈസന്സ് ഉള്ളവര്ക്ക് മുന്ഗണന.
പ്രവൃത്തിപരിചയം: ഐസിയു, എമര്ജന്സി, അര്ജന്റ് കെയര്, ക്രിട്ടിക്കല് കെയര്, ഓയില് ആന്ഡ് ഗ്യാസ് നഴ്സിങ് എന്നീ മേഖലകളില് ഏതെങ്കിലും ഒന്നില് കുറഞ്ഞത് രണ്ട് വര്ഷത്തെ പ്രവൃത്തിപരിചയം നിര്ബന്ധം.
എത്രയും വേഗം ജോലിയില് പ്രവേശിക്കാന് തയ്യാറുള്ള ഉദ്യോഗാര്ത്ഥികളെയാണ് ഒഡപെക് ഇതിലേക്ക് പരിഗണിക്കുന്നത്.
കമ്പനി നല്കുന്ന ആനുകൂല്യങ്ങള്:
പൂര്ണ്ണമായും സൗജന്യ താമസ സൗകര്യവും ഗതാഗത സംവിധാനവും.
റിമോട്ട് ഏരിയകളില് ജോലി ചെയ്യേണ്ടി വരുന്നവര്ക്ക് സൗജന്യ ഭക്ഷണം.
വിസ, ഫ്ലൈറ്റ് ടിക്കറ്റ്, മെഡിക്കല് ഇന്ഷുറന്സ് എന്നിവ കമ്പനി ചിലവില്.
വര്ഷത്തില് ഒരു മാസം ശമ്പളത്തോടുകൂടിയ അവധി.
അപേക്ഷിക്കേണ്ട വിധം:
താത്പര്യമുള്ള ഉദ്യോഗാര്ത്ഥികള് തങ്ങളുടെ പുതുക്കിയ സിവി, പാസ്പോര്ട്ട്, പ്രവൃത്തി പരിചയം തെളിയിക്കുന്ന സര്ട്ടിഫിക്കറ്റുകള് എന്നിവ സഹിതം gcc@odepc.in എന്ന ഇമെയില് വിലാസത്തിലേക്ക് അപേക്ഷ അയക്കേണ്ടതാണ്.
ശ്രദ്ധിക്കുക: മെയില് അയക്കുമ്പോള് സബ്ജക്ട് ലൈനില് ‘Industrial Male Nurse to UAE’ എന്ന് കൃത്യമായി രേഖപ്പെടുത്തണം.
അവസാന തീയതി: ജൂലൈ 25.
(കൂടുതല് വിവരങ്ങള് ഒഡപെകിന്റെ ഔദ്യോഗിക വെബ്സൈറ്റില് ലഭ്യമാണ്)