Home » Blog » Kerala » “ധീരരായ ഇറാനിയൻ ജനതയ്ക്ക്, ഈ വർഷവും ഞാൻ സന്തോഷകരമായ നൗറൂസ് ആശംസിക്കുന്നു”; പുതുവത്സരാശംസകൾ നേർന്ന് നെതന്യാഹു- വീഡിയോ
3

ടെൽഅവീവ്: ഇറാനെതിരെയുള്ള യുദ്ധത്തിനിടയിലും ഇറാൻ ജനതയ്ക്ക് പുതുവത്സരാശംസ നേർന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. ഇറാനിയൻ പുതുവർഷമായ നൗറൂസ് പ്രമാണിച്ചാണ് തിങ്കളാഴ്ച നെതന്യാഹു ഇറാൻ ജനതയ്ക്ക് വീഡിയോയിലൂടെ ആശംസയറിയിച്ചത്. വെള്ളിയാഴ്ചയാണ് പുതുവർഷ പിറവി.

“ധീരരായ ഇറാനിയൻ ജനതയ്ക്ക്, ഞാൻ എല്ലാ വർഷവും ആശംസിക്കുന്നപോലെ, പ്രകാശത്തിന്റെ ഉത്സവത്തോടുകൂടിയ ഈ ആഘോഷകാലം നിങ്ങൾക്ക് സന്തോഷകരമാകട്ടെ” – നെതന്യാഹു പറഞ്ഞു. ബുധനാഴ്ച ആഘോഷിക്കപ്പെടുന്ന പുരാതന ഇറാനിയൻ ഉത്സവമായ ചാഹർഷാൻബെ സൂറിയെയാണ് അദ്ദേഹം പരാമർശിച്ചത്. “ഇരുട്ടിന്മേൽ പ്രകാശത്തിന്റെ വിജയം, തിന്മയുടെമേൽ നന്മയുടെ വിജയം എന്ന ഇറാനിയൻ ജനതയുടെ പുരാതന വിശ്വാസത്തെ ഇത് സൂചിപ്പിക്കുന്നു.” – ഫാർസിയിൽ ഉപശീർഷകങ്ങളോടെ അദ്ദേഹം ഇംഗ്ലീഷിൽ പറഞ്ഞു,

“ഈ വർഷം ഈ അവധിക്കാലത്തിന് പ്രത്യേക അർഥമുണ്ട്… ഈ അവസരം പ്രയോജനപ്പെടുത്തി നിങ്ങൾക്ക് ഞാൻ സന്തോഷകരമായ നൗറൂസ് ആശംസിക്കുന്നു – സ്വാതന്ത്ര്യത്തിന്റെ ഒരു വർഷം. നിങ്ങൾക്കെല്ലാവർക്കും പ്രതീക്ഷയുടെ ഒരു പുതിയ തുടക്കം.” -അദ്ദേഹം കൂട്ടിച്ചേർത്തു.

നെതന്യാഹു ‘ജീവനോടെയില്ല’ എന്ന അഭ്യൂഹങ്ങൾക്കിടയിലാണ് അദ്ദേഹത്തിന്റെ സോഷ്യൽമീഡിയ പോസ്റ്റുകൾ. അതേസമയം, അദ്ദേഹം ഇപ്പോൾ ഇടുന്ന വീഡിയോ പോസ്റ്റുകൾ ഡീപ് ഫേക്ക് വീഡിയോകളാണെന്ന പ്രചരണങ്ങളും മറുവശത്തു നിന്നുയരുന്നുണ്ട്.