തൃശൂർ: നഗരത്തിൽ ആന ഇടഞ്ഞോടി വ്യാപക നാശനഷ്ടം വിതച്ച സംഭവത്തിൽ അന്വേഷണത്തിന് ഉത്തരവിട്ട് ജില്ലാ ഭരണകൂടം. തൃശൂർ ഡിഎഫ്ഒ ഓഫീസ്, സോഷ്യൽ ഫോറസ്ട്രി വിഭാഗം എന്നിവർക്കാണ് അന്വേഷണ ചുമതല.
ഇന്ന് രാവിലെയായിരുന്നു വടക്കുംനാഥ ക്ഷേത്രത്തിൽ ദർശനത്തിന് എത്തിച്ച “ശിവം ലക്ഷ്മി അയ്യപ്പൻ” എന്ന ആന ഇടഞ്ഞോടിയത്. ശീവേലിക്കായി തിരുവമ്പാടി ക്ഷേത്രം ഭാഗത്ത് എത്തിച്ച ആനയെ പാപ്പാന്മാർ പിന്നീട് പാറമേക്കാവ് ക്ഷേത്രം, വടക്കുംനാഥ ക്ഷേേത്രം എന്നിവിടങ്ങളിലേക്ക് തൊഴാൻ കൊണ്ടുപോയപ്പോഴാണ് ആന ഇടഞ്ഞത്.
ആദ്യം സ്വരാജ് റൗണ്ടിലൂടെ ഓടിയ ആന പിന്നീട് വീണ്ടും വിരണ്ടോടി നഗരത്തിലുടനീളം ഭീതി പരത്തി. നിരവധി വാഹനങ്ങളും കെട്ടിടങ്ങളും തകർത്ത ആന രണ്ടുകിലോമീറ്ററിലധികം ദൂരം സഞ്ചരിച്ച് ജനവാസ മേഖലയിലെത്തിയ ശേഷവും അക്രമാസക്തമായി തുടരുകയായിരുന്നു. മണിക്കൂറുകൾ നീണ്ട ശ്രമത്തിനൊടുവിലാണ് പാപ്പാന്മാർ ചേർന്ന് ആനയെ നിയന്ത്രണത്തിലാക്കിയത്.
സംഭവത്തിൽ എട്ട് വാഹനങ്ങൾക്കും അഞ്ച് വീടുകളുടെ മതിലുകൾക്കും നാശനഷ്ടമുണ്ടായി. പോസ്റ്റ് ഓഫീസ് കെട്ടിടത്തിനും ടൗൺഹാൾ ഫെൻസിങ് ഗ്രില്ലിനും കേടുപാടുകൾ സംഭവിച്ചതായി ജില്ലാ കളക്ടർ ശിഖ സുരേന്ദ്രൻ അറിയിച്ചു. നാശനഷ്ടങ്ങൾക്ക് നഷ്ടപരിഹാരം നൽകുന്ന വിഷയത്തിൽ ഒ ജെ ജനീഷ്യും ബി ഗോപാലകൃഷ്ണൻയും തമ്മിൽ വാക്കുതർക്കവും ഉണ്ടായി. അർഹരായവർക്ക് നഷ്ടപരിഹാരം ഉറപ്പാക്കണമെന്ന് ബി. ഗോപാലകൃഷ്ണൻ ആവശ്യപ്പെട്ടപ്പോൾ ആദ്യം നാശനഷ്ടങ്ങളുടെ കൃത്യമായ കണക്കെടുപ്പ് വേണമെന്നായിരുന്നു മന്ത്രിയുടെ നിലപാട്.
അതേസമയം, ആനയെ തളയ്ക്കുന്നതിനിടെ പൊലീസിന്റെ ഭാഗത്ത് നിന്ന് കാര്യമായ ഇടപെടൽ ഉണ്ടായില്ലെന്ന ആക്ഷേപവും ഉയർന്നിട്ടുണ്ട്. എന്നാൽ ആന ഓടിക്കൊണ്ടിരുന്നതിനാൽ മയക്കുവെടി പ്രായോഗികമല്ലായിരുന്നുവെന്ന് ജില്ലാ ഭരണകൂടം വിശദീകരിച്ചു. സംഭവത്തിൽ ജില്ലാ ഭരണകൂടത്തിന് വീഴ്ച പറ്റിയെന്ന വിമർശനവുമായി നിജി ജസ്റ്റിൻ ഉൾപ്പെടെയുള്ള ജനപ്രതിനിധികളും രംഗത്തെത്തി.