കൊച്ചി: പുനരുപയോഗ ഊര്ജ മേഖലയിലെ രാജ്യത്തെ മുന്നിര കമ്പനിയായ ട്രൂസോണ് സോളാറില് നിക്ഷേപിച്ച് ക്രിക്കറ്റ് താരങ്ങളായ സൂര്യകുമാര് യാദവും തിലക് വര്മയും. സണ്ടെക് എനര്ജി സിസ്റ്റംസ് പ്രൈവറ്റ് ലിമിറ്റഡിന് കീഴില് പ്രവര്ത്തിച്ചു വരുന്ന പ്രമുഖ സോളാര് സൊല്യൂഷന്സ് പ്രൊവൈഡറാണ് ട്രൂസോണ് സോളാര്. ഇന്ത്യയിലെ അതിവേഗം വളരുന്ന പുനരുപയോഗ ഊര്ജ്ജ മേഖലയിലെ കമ്പനിയുടെ വളര്ച്ചയെ ഈ നിക്ഷേപം കൂടുതല് ശക്തിപ്പെടുത്തും.
സൂര്യകുമാര് യാദവ്, തിലക് വര്മ്മ തുടങ്ങിയവരുടെ കമ്പനിയിലെ നിക്ഷേപം പുനരുപയോഗ ഊര്ജ്ജ മേഖലയില് കമ്പനിയുടെ വിശ്വാസ്യതയ്ക്കുള്ള അംഗീകാരമാണെന്ന് ട്രൂസോണ് സോളാറിന്റെ സ്ഥാപകനും എംഡിയുമായ ചാരുഗുണ്ടല ഭവാനി സുരേഷ് അറിയിച്ചു. പുനരുപയോഗ ഊര്ജ്ജ മേഖലയില് 17 വര്ഷമായി പ്രവര്ത്തിച്ചു വരുന്ന കമ്പനിയാണ് ട്രൂസോണ് സോളാര്. വിശ്വസനീയമായ സോളാര് സേവനങ്ങള് ലഭ്യമാക്കി മികച്ച വില്പ്പനാനന്തര സേവന ശൃംഖല നിലനിര്ത്തുന്നതാണ് പ്രാഥമിക ലക്ഷ്യമെന്നും അദ്ദേഹം കൂട്ടിച്ചേര്ത്തു.
തെലുങ്ക് സിനിമ താരം മഹേഷ് ബാബു ബ്രാന്ഡ് അംബാസിഡറായ ട്രൂസോണ് സോളാറില് ക്രിക്കറ്റ് ഇതിഹാസം സച്ചിന് ടെണ്ടുല്ക്കര് ഇതിനകം നിക്ഷേപം നടത്തിയിരുന്നു. നിലവില് തെലങ്കാന, ആന്ധ്രാപ്രദേശ്, മഹാരാഷ്ട്ര, മധ്യപ്രദേശ്, ഛത്തീസ്ഗഡ്, കര്ണാടക സംസ്ഥാനങ്ങളിലാണ് കമ്പനിയുടെ പ്രവര്ത്തനം. വരും വര്ഷങ്ങളില് കേരളം, ഉത്തര്പ്രദേശ്, തമിഴ്നാട്, ഒഡീഷ എന്നിവിടങ്ങളിലേക്ക് പ്രവര്ത്തനം വ്യാപിപ്പിക്കാനും കമ്പനി ലക്ഷ്യമിടുന്നുണ്ട്.