കേന്ദ്ര സര്‍ക്കാരിൻ്റെ വിദ്യാഭ്യാസ പദ്ധതിയില്‍ ചേരാൻ സര്‍ക്കാര്‍ സന്നദ്ധത പ്രകടിപ്പിച്ചിരുന്നു. ഇപ്പോഴിതാ ഇതിന് പിന്നാലെ പി എം ശ്രീ പദ്ധതിയെക്കുറിച്ച് എല്‍ ഡി എഫ് ചർച്ച ചെയ്യുമെന്ന് എല്‍ ഡി എഫ് കണ്‍വീനര്‍ ടി പി രാമകൃഷ്ണൻ പറഞ്ഞിരിക്കുകയാണ്. പി എം ശ്രീ പദ്ധതിയെ എത്തിക്കുന്നതിൽ തെറ്റില്ലെന്നാണ് അദ്ദേഹം പറഞ്ഞത്. മാധ്യമങ്ങളോട് സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്. സി പി ഐ എതിർപ്പ് അറിയിച്ചിട്ടുണ്ട്. എന്നാൽ കേന്ദ്ര വിഹിതം വാങ്ങിയെടുക്കാനും കഴിയണം. കേന്ദ്ര വിഹിതം ലഭിക്കാനാവശ്യമായ നടപടിയാണ് വിദ്യാഭ്യാസ വകുപ്പ് സ്വീകരിച്ചതെന്നും അദ്ദേഹം പറഞ്ഞു. കേന്ദ്ര നയങ്ങൾക്കെതിരെ കേരളം സുപ്രീം കോടതിയിൽ നിയമ പോരാട്ടം നടത്തുന്നുണ്ടെന്നും അദ്ദേഹം കൂട്ടിച്ചേർത്തു.