അജിത് ചിത്രം, ഗുഡ് ബാഡ് അഗ്ലിയുടെ ബോക്സ് ഓഫീസ് റിപ്പോര്‍ട്ട് പുറത്ത് !

അജിത്ത് നായകനായി എത്തുന്ന ഗുഡ് ബാഡ് അഗ്ലി നാളെയാണ് തിയേറ്ററുകളിൽ എത്തുന്നത്. ആദിക് രവിചന്ദ്രനാണ് ചിത്രത്തിന്റെ സംവിധാനം നിര്‍വഹിക്കുന്നത്. വൻ പ്രീ സെയില്‍ കളക്ഷനാണ് ചിത്രം നേടിയിരിക്കുന്നത്. ഇതിനകം 28 കോടി ആഗോളതലത്തില്‍ ചിത്രം നേടി എന്നാണ് പുറത്തുവരുന്ന റിപ്പോർട്ട്.

ഇതൊരു ആക്ഷൻ കോമഡി ചിത്രം ആയിരിക്കും . ചിത്രത്തില്‍ നായിക കഥാപാത്രത്തെ അവതരിപ്പിക്കുന്നത് തൃഷയാണ്. പ്രഭു, അര്‍ജുൻ ദാസ്, പ്രസന്ന, സുനില്‍, ഉഷ ഉതുപ്പ്, രാഹുല്‍ ദേവ്, ഹാരി ജോഷ്, ബി എസ് അവിനാശ്, പ്രിയ പ്രകാശ് വാര്യര്‍, ടിന്നു ആനന്ദ്, ഷൈൻ ടോം ചാക്കോ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

അതേസമയം അജിത്ത് കുമാര്‍ നായകനായി ഒടുവില്‍ എത്തിയ ചിത്രം വിടാമുയര്‍ച്ചി ആണ്. അജിത്തിന്റെ വിടാമുയര്‍ച്ചി ആഗോളതലത്തില്‍ 136 കോടി മാത്രമാണ് നേടിയത് എന്നാണ് റിപ്പോര്‍ട്ടുകള്‍. നെറ്റ്ഫ്ലിക്സിലൂടെയാണ് അജിത് കുമാറിന്റെ വിടാമുയര്‍ച്ചി ഒടിടിയില്‍ എത്തിയത്.