വെറും ‘സെലിബ്രിറ്റി വൈഫല്ല: ഗൗരി ഖാൻ ഇന്റീരിയർ ഡിസൈനിംഗിൽ വാങ്ങുന്നത് കോടികൾ!

സൗന്ദര്യശാസ്ത്രത്തിൽ തൻ്റേതായ ഒരു ഇടം കണ്ടെത്തിയ പ്രശസ്ത ഇന്റീരിയർ ഡിസൈനറാണ് ഷാരൂഖ് ഖാൻ്റെ ഭാര്യ ഗൗരി ഖാൻ. അവരുടെ ഈ അഭിരുചി, വിജയകരമായ ഇന്റീരിയർ ഡിസൈൻ സ്ഥാപനമായ ‘ഗൗരി ഖാൻ ഡിസൈൻസ്’-ൽ പ്രതിഫലിക്കുന്നു. 2013-ൽ മുംബൈയിൽ ആദ്യത്തെ ഫ്ലാഗ്ഷിപ്പ് സ്റ്റോർ ആരംഭിച്ച ഗൗരി, അടുത്തിടെ ഡൽഹിയിൽ ഒരു എക്സ്പീരിയൻസ് സെന്റർ കൂടി തുറന്ന് തൻ്റെ ബിസിനസ് വികസിപ്പിച്ചു.

ഗൗരി ഖാൻ്റെ ഡിസൈനിംഗ് ഫീസ്

ഗൗരി ഖാൻ സ്വന്തം ഫീസ് ഔദ്യോഗികമായി വെളിപ്പെടുത്തിയിട്ടില്ലെങ്കിലും, ചില റിപ്പോർട്ടുകൾ അനുസരിച്ച് അവരുടെ സേവനങ്ങൾക്ക് വലിയ തുകയാണ് ഈടാക്കുന്നത്.

അടിസ്ഥാന കൺസൾട്ടേഷൻ: ₹6 ലക്ഷം.

റെസിഡൻഷ്യൽ പ്രോജക്റ്റുകൾ: ₹30 ലക്ഷം മുതൽ ₹5 കോടി വരെ.

ആഡംബര വില്ല പ്രോജക്റ്റുകൾ: ₹3 കോടി മുതൽ ₹10 കോടി വരെ.

വാണിജ്യ പ്രോജക്റ്റുകൾ: ₹50 ലക്ഷം മുതൽ ₹20 കോടി വരെ.

കസ്റ്റം ഫർണിച്ചർ: ₹5 ലക്ഷം വരെ.

ഈ വിലകൾ പ്രോജക്ടിൻ്റെ വലുപ്പം, ഉപയോഗിക്കുന്ന സാധനങ്ങൾ, കസ്റ്റമൈസേഷൻ എന്നിവയെ ആശ്രയിച്ചിരിക്കുന്നു. ഈ വിവരങ്ങൾ റിപ്പോർട്ടുകൾ മാത്രമാണ് ഗൗരി ഖാനോ അവരുടെ ടീമോ ഇതുവരെ സ്ഥിരീകരിച്ചിട്ടില്ല.

അഭിനിവേശത്തിൽ നിന്ന് ഒരു കരിയറിലേക്ക്

ഇന്റീരിയർ ഡിസൈനിംഗിലേക്കുള്ള തൻ്റെ യാത്രയെക്കുറിച്ച് ന്യൂസ് 18-ന് നൽകിയ അഭിമുഖത്തിൽ ഗൗരി ഖാൻ സംസാരിച്ചു. “2013-ൽ ഒരു ഹോബിയായിട്ടാണ് ഞാൻ ഗൗരി ഖാൻ ഡിസൈൻസ് ആരംഭിച്ചത്. അത് പിന്നീട് ഒരു സംതൃപ്തമായ തൊഴിലായി മാറി,” അവർ പറഞ്ഞു. തൻ്റെ വളർച്ചയ്ക്ക് കാരണം സ്വന്തം അനുഭവമാണെന്നും, ജോലിയിൽ നിന്ന് പഠിച്ച കാര്യങ്ങളാണ് തന്നെ ഇത്രത്തോളം എത്തിച്ചതെന്നും അവർ കൂട്ടിച്ചേർത്തു.

തൻ്റെ ജോലി ഒരു അഭിനിവേശം ആയതുകൊണ്ട് ഒരിക്കലും ഒരു ഭാരമായി തോന്നിയിട്ടില്ലെന്നും അവർ വ്യക്തമാക്കി. നിലവിൽ, ഗൗരി ഖാൻ അവരുടെ ബംഗ്ലാവായ മന്നത്തിൻ്റെ നവീകരണ പ്രവർത്തനങ്ങളിലാണ് ശ്രദ്ധ കേന്ദ്രീകരിക്കുന്നത്. ഈ പ്രോജക്ട് ഒരു വർഷത്തിനുള്ളിൽ പൂർത്തിയാകുമെന്നാണ് പ്രതീക്ഷിക്കുന്നത്.