മദ്യലഹരിയിൽ വാഹനമോടിച്ചു: കുവൈത്തിൽ 9 പേർ അറസ്റ്റിൽ

കുവൈത്ത്: കുവൈത്തിൽ ജനറൽ ട്രാഫിക് വകുപ്പ് നിരവധി നിയമലംഘനങ്ങൾ, ജുവനൈൽ അറസ്റ്റുകൾ, അപകടങ്ങൾ എന്നിവ രേഖപ്പെടുത്തി. ഓപ്പറേഷൻസ് സെക്ടറിന്റെ അണ്ടർ സെക്രട്ടറി മേജർ ജനറൽ യൂസഫ് അൽ ഖുദ്ദയുടെ നേതൃത്വത്തിലും ബ്രിഗേഡിയർ ജമാൽ അൽ-ഫൗദാരിയുടെ ഫീൽഡ് മേൽനോട്ടത്തിലും ജനറൽ ട്രാഫിക് വകുപ്പ് നടത്തിയ തുടർച്ചയായ ഗതാഗത ക്യാമ്പയ്‌നുകളുടെ ഫലങ്ങളാണ് ഈ സ്ഥിതി വിവരക്കണക്കുകൾ രേഖപ്പെടുത്തിയത്.

അതേസമയം റസിഡൻസി ലംഘനങ്ങൾ, ഹാജരാകാതിരിക്കൽ, എന്നിവയ്ക്ക് 42 പേരെ അറസ്റ്റ് ചെയ്യാൻ ഈ ക്യാമ്പയ്‌നിന് കഴിഞ്ഞു. അറസ്റ്റിലായവരിൽ റെസിഡൻസി നിയമങ്ങൾ ലംഘിച്ചതിന് 12 പ്രവാസികളും 21 ജുവനൈൽ വ്യക്തികളും ഹാജരാകാത്ത 6 പ്രവാസികളും ഉൾപ്പെടുന്നു. ഗുരുതരമായ നിയമലംഘനങ്ങൾ നടത്തിയതിന് 26 വാഹനങ്ങളും 16 മോട്ടോർ സൈക്കിളുകളും അധികൃതർ പിടിച്ചെടുത്തു. കൂടാതെ ലഹരിയിൽ വാഹനമോടിച്ചതിന് 9 പേരെ അറസ്റ്റ് ചെയ്തു. മയക്കുമരുന്ന് കൈവശം വെച്ചതിന് ഒരാളെ കസ്റ്റഡിയിലെടുത്തു.