കുവൈത്തിൽ വ്യോമഗതാഗതം സാധാരണ നിലയിൽ

ഇസ്രായേലും ഇറാനും തമ്മിൽ വെടിനിർത്തൽ പ്രാബല്യത്തിൽ വന്നതായി യു.എസ് ഡോണൾഡ് ട്രംപിന്റെ പ്രഖ്യാപനം ആശ്വാസത്തോടെയാണ് ജനങ്ങൾ സ്വീകരിച്ചത്. ഇതോടെ മേഖലയിലെ സംഘർഷാവസ്ഥ അവസാനിക്കുമെന്ന പ്രതീക്ഷയിലാണ് രാജ്യങ്ങളും ജനങ്ങളും.

തിങ്കളാഴ്ച രാത്രി അടച്ച വ്യോമാതിർത്തി വൈകാതെ തുറന്നതോടെ അർധരാത്രിയോടെ വിമാനങ്ങളുടെ സർവിസുകൾ പുനരാരംഭിച്ചു. ചൊവ്വാഴ്ച വിമാനങ്ങൾ പതിവുപോലെ സർവിസ് നടത്തി. എന്നാൽ കൊച്ചി വിമാനമുൾപ്പെടെ ഏതാനും ചിലത് റദ്ദാക്കി. ഇറാൻ ഖത്തറിലെ യു.എസ് വ്യോമതാവളം ആക്രമിച്ചതിന് പിറകെ മേഖലയിൽ രൂപപ്പെട്ട സംഭവവികാസങ്ങളെ തുടർന്ന് തിങ്കളാഴ്ച രാത്രി എട്ടോടെയാണ് കുവൈത്ത് വ്യോമാതിർത്തി അടച്ചത്. 11 മണിയോടെ വ്യോമാതിർത്തി തുറക്കുന്നതായി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡി.ജി.സി.എ) അറിയിച്ചു.