ഫാൽക്കെ പുരസ്കാരത്തിന് അര്‍ഹനായ മോഹൻലാലിന് ആശംസയുമായി കേന്ദ്ര മന്ത്രി അശ്വനി വൈഷ്ണവ്

ഡൽഹി: ചലച്ചിത്രം മേഖലയിലെ സമഗ്ര സംഭാവനയ്ക്കുള്ള ദാദാസാഹേബ് ഫാൽക്കെ പുരസ്കാരത്തിന് അര്‍ഹനായ മലയാളത്തിന്‍റെ പ്രിയ നടൻ മോഹൻലാലിന് ആശംസയുമായി കേന്ദ്ര മന്ത്രി അശ്വനി വൈഷ്ണവ്.

ലാലേട്ടന് അഭിനന്ദനങ്ങള്‍ എന്ന് കുറിച്ചുകൊണ്ടാണ് കേന്ദ്ര മന്ത്രി അഭിനന്ദനം അറിയിച്ചത്. അടിപൊളിയും മനോഹരവുമായ കേരളത്തിൽ നിന്ന് ലോകത്താകമാനമുള്ള പ്രേക്ഷകരിലേക്ക് എത്തിയ നടനാണ് മോഹൻലാലെന്ന് അശ്വിനി വൈഷ്ണവ് കുറിച്ചു. നമ്മുടെ സംസ്കാരവും ആഗ്രഹങ്ങളുമെല്ലാം മോഹൻലാൽ തന്‍റെ സിനിമകളിലൂടെ ആഘോഷിച്ചുവെന്നും ഇന്ത്യയുടെ സര്‍ഗശേഷിയെ മോഹൻലാലിന്‍റെ അഭിനയം തലമുറകളോളം പ്രചോദിപ്പിച്ചുകൊണ്ടിരിക്കുമെന്നും അശ്വിനി വൈഷ്ണവ് പറഞ്ഞു. വാര്‍ത്താവിതരണ മന്ത്രാലയത്തിന്‍റെ അവാര്‍ഡ് പ്രഖ്യാപന എക്സ് പോസ്റ്റ് ഷെയര്‍ ചെയ്തുകൊണ്ടാണ് കേന്ദ്ര മന്ത്രി അശ്വിനി വൈഷ്ണവിന്‍റെ അഭിനന്ദനം