അമേരിക്ക ഉപരോധം ഏർപ്പെടുത്തി: യുഎഇയിൽ 7 കമ്പനികൾക്ക് വിലക്ക്

ദുബായ്: അമേരിക്ക ഉപരോധം ഏർപ്പെടുത്തിയ 7 കമ്പനികൾക്ക് യുഎഇയിൽ പ്രവർത്തനാനുമതി ഇല്ലെന്ന് നീതിന്യായ മന്ത്രാലയം അറിയിച്ചു. സുഡാൻ ബന്ധത്തിന്റെ പേരിലാണ് അമേരിക്ക കമ്പനികൾക്ക് ഉപരോധം ഏർപ്പെടുത്തിയത്. കമ്പനികൾക്ക് നിലവിൽ യുഎഇയുടെ കൊമേഴ്സ്യൽ ലൈസൻസ് ഇല്ല.

ഈ വർഷം ജനുവരി ഒന്നിനാണ് യുഎഇയിൽ പ്രവർത്തിച്ചിരുന്ന 7 കമ്പനികളെ അമേരിക്ക ഉപരോധ പട്ടികയിൽ ഉൾപ്പെടുത്തിയത്. ക്യാപ്പിറ്റൽ ടാപ് ഹോൾഡിങ് എൽഎൽസി, ക്യാപ്പിറ്റൽ ടാപ് മാനേജ്മെന്റ് കൺസൽറ്റൻസീസ് എൽഎൽഎൽസി, ക്യാപ്പിറ്റൽ ടാപ് ജനറൽ ട്രേഡിങ് എൽഎൽസി, ക്രിയേറ്റിവ പൈത്തൺ, അൽ സുമോറൗദ് അൻഡ് അൽ യാഖൂത് ഗോൾഡ് ആൻഡ് ജ്വല്ലറി, അൽ ജിൽ അൽ ഖാദം ജനറൽ ട്രേഡിങ്, ഹോറൈസൺ അഡ്വാൻസ്ഡ് സൊലൂഷൻസ് ജനറൽ ട്രേഡിങ് എന്നീ കമ്പനികൾക്കെതിരെയാണ് അമേരിക്കൻ ഉപരോധം ഏർപ്പെടുത്തിയത്.