കൊച്ചി: ഓസ്ട്രേലിയയിൽ വിദ്യാഭ്യാസം ലക്ഷ്യമിടുന്ന വിദ്യാർത്ഥികൾക്ക് സമഗ്രമായ പിന്തുണ നൽകുന്നതിനായി രൂപകൽപ്പന ചെയ്ത ഡിജിറ്റൽ സൊല്യൂഷൻസ് പ്ലാറ്റ്‌ഫോമായ ‘നിവിക്യാപ്’ ഇന്ത്യയിൽ ഔദ്യോഗികമായി അവതരിപ്പിച്ചു. ഓസ്ട്രേലിയയിലെ പ്രമുഖ ഫിൻടെക് ബ്രാൻഡുകളിലൊന്നായ സിക്സുവിന്റെ (Ziksu) സ്ഥാപകനായ കാർത്തിക് ശ്രീനിവാസനാണ് നിവിക്യാപ്പിനു രൂപം നൽകിയത്. പ്രീ-അഡ്മിഷൻ മുതലുള്ള എല്ലാ ഘട്ടങ്ങളിലും വിദ്യാർത്ഥികളെയും മാതാപിതാക്കളെയും പിന്തുണയ്ക്കുകയാണ് നിവിക്യാപിന്റെ ലക്ഷ്യം.
വിദ്യാഭ്യാസ വായ്പ കണ്ടെത്തൽ, അപേക്ഷകൾ സമർപ്പിക്കൽ, ഫോറെക്സ് മാർഗനിർദ്ദേശങ്ങൾ എന്നിവയ്ക്കൊപ്പം മറ്റു സേവനങ്ങളും നൽകുന്ന സുരക്ഷിതമായ ഡിജിറ്റൽ സംവിധാനമാണ് നിവിക്യാപ്. ഓസ്ട്രേലിയയുടെ ദേശീയ വ്യാപാര–നിക്ഷേപ ഏജൻസിയായ ഓസ്ട്രേഡ് (Austrade) നിവിക്യാപ്പിന് പൂർണ പിന്തുണ പ്രഖ്യാപിച്ചിട്ടുണ്ട്. ഓസ്‌ട്രേലിയൻ മുൻ ക്രിക്കറ്റ് താരവും ദേശീയ ടീമിന്റെ മുൻ പരിശീലകനുമായ ജസ്റ്റിൻ ലാംഗറാണ് നിവിക്യാപിന്റെ ബ്രാൻഡ് അംബാസഡർ.
ഓസ്ട്രേലിയയിൽ പഠനം ലക്ഷ്യമിടുന്ന ഇന്ത്യൻ വിദ്യാർത്ഥികൾ നേരിടുന്ന പ്രധാന പ്രശ്നങ്ങളും ആശങ്കകളും പരിഹരിക്കുകയെന്നതാണ് നിവിക്യാപിലൂടെ ലക്ഷ്യമിടുന്നതെന്ന് കാർത്തിക് ശ്രീനിവാസൻ വ്യക്തമാക്കി. വിദേശ പഠനത്തിനായി ആയിരക്കണക്കിന് വിദ്യാർത്ഥികൾ വർഷംതോറും നേരിടുന്ന പ്രശ്നങ്ങൾ പരിഹരിച്ച് ഓസ്ട്രേലിയയിലെ പഠനമെന്ന സ്വപ്നം യാഥാർത്ഥ്യമാക്കാൻ നിവിക്യാപിലൂടെ സാധിക്കും എന്നും അദ്ദേഹം കൂട്ടിച്ചേർത്തു.