കപ്പലിന് നേരെ ഇന്ത്യൻ മഹാസമുദ്രത്തിൽ ഡ്രോൺ ആക്രമണം; ഇറാൻ നിഷേധിച്ചു

തെഹ്റാൻ: രാസവസ്തുക്കളുമായി വരികയായിരുന്ന കപ്പലിന് നേരെ ഇന്ത്യൻ മഹാസമുദ്രത്തിൽ ഡ്രോൺ ആക്രമണമുണ്ടായതിന് പിന്നിൽ ഇറാനാണെന്ന യു.എസിന്‍റെ ആരോപണങ്ങൾ ഇറാൻ നിഷേധിച്ചു. ആരോപണങ്ങൾ അടിസ്ഥാനമില്ലാത്തതാണെന്ന് ഇറാൻ ചൂണ്ടിക്കാട്ടി. ഇറാനിൽ നിന്ന് ലോഞ്ച് ചെയ്ത ഡ്രോണാണ് ആക്രമണം നടത്തിയതെന്ന് ശനിയാഴ്ച പെന്‍റഗൺ ആരോപിച്ചിരുന്നു.

ചെങ്കടലിൽ കപ്പലുകൾക്ക് നേരെ ആക്രമണം നടത്താൻ യമനിലെ ഹൂതി വിമതർക്ക് സഹായം നൽകുന്നത് ഇറാനാണെന്ന് നേരത്തെ തന്നെ യു.എസ് ആരോപിക്കുന്നുണ്ടായിരുന്നു. എന്നാൽ, ഇതും ഇറാൻ തള്ളിയിരുന്നു. ഹൂതികൾ സ്വന്തം നിലക്കാണ് ഇടപെടുന്നതെന്നും അതിൽ ഇറാന് പങ്കില്ലെന്നും വിദേശകാര്യ മന്ത്രി പറഞ്ഞു.

സൗ​ദി അ​റേ​ബ്യ​യി​ൽ​നി​ന്ന് മം​ഗ​ളൂ​രു​വി​ലേ​ക്ക് അ​സം​സ്കൃ​ത എ​ണ്ണ​യു​മാ​യി വ​രു​ക​യാ​യി​രു​ന്ന ഇ​സ്രാ​യേ​ൽ ബ​ന്ധ​മു​ള്ള ച​ര​ക്കു ക​പ്പ​ലി​നു​നേ​രെ അ​റ​ബി​ക്ക​ട​ലി​ൽ ഡ്രോ​ൺ ആ​ക്ര​മ​ണമുണ്ടായിരുന്നു. ഗു​ജ​റാ​ത്തി​ലെ പോ​ർ​ബ​ന്ത​ർ തീ​ര​ത്തു​നി​ന്ന് 217 നോ​ട്ടി​ക്ക​ൽ മൈ​ൽ അ​ക​ലെ​വെ​ച്ചാ​ണ് ശ​നി​യാ​ഴ്ച എം.​വി. കെം ​പ്ലൂ​ട്ടോ എ​ന്ന ക​പ്പ​ലി​നെ ല​ക്ഷ്യ​മി​ട്ട് ആ​ക്ര​മ​ണം ന​ട​ന്ന​ത്. ഡ്രോ​ൺ പ​തി​ച്ച​തി​നെ തു​ട​ർ​ന്ന് വ​ൻ സ്ഫോ​ട​ന​മു​ണ്ടാ​യി. 20 ഇ​ന്ത്യ​ൻ ജീ​വ​ന​ക്കാ​രാ​ണ് ക​പ്പ​ലി​ലു​ള്ള​ത്. ഇ​വ​ർ സു​ര​ക്ഷി​ത​രാ​ണ്.

ഇ​ന്ത്യ​ൻ മ​ഹാ​സ​മു​ദ്ര​ത്തി​ൽ ക​ഴി​ഞ്ഞ​മാ​സം ഇ​​സ്രാ​യേ​ലി ഉ​ട​മ​സ്ഥ​ത​യി​ലു​ള്ള ച​ര​ക്കു​ക​പ്പ​ലി​നു​നേ​രെ​യും ഡ്രോ​ൺ ആ​ക്ര​മ​ണം ന​ട​ന്നി​രു​ന്നു. ഇ​തി​നു​പി​ന്നി​ൽ ഇ​റാ​ൻ ആ​ണെ​ന്നാ​ണ് അ​മേ​രി​ക്ക ആ​രോ​പി​ക്കു​ന്ന​ത്. സം​ഭ​വ​​ത്തെ​ക്കു​റി​ച്ച് അ​ന്വേ​ഷ​ണം ആ​രം​ഭി​ച്ച​താ​യി ബ്രി​ട്ടീ​ഷ് സൈ​ന്യ​ത്തി​ന് കീ​ഴി​ലു​ള്ള ‘യു​നൈ​റ്റ​ഡ് കി​ങ്ഡം മാ​രി​ടൈം ട്രേ​ഡ് ഓ​പ​റേ​ഷ​ൻ​സ്’ അ​റി​യി​ച്ചു.