ഇന്ത്യൻ വിപണിയിൽ എക്കാലത്തെയും പോലെ തങ്ങളുടെ കരുത്ത് വീണ്ടും തെളിയിച്ചിരിക്കുകയാണ് മാരുതി സുസുക്കി. 2025 നവംബറിൽ ആഭ്യന്തര വിപണിയിൽ ആകെ 1,70,971 യൂണിറ്റ് കാറുകളാണ് കമ്പനി വിറ്റഴിച്ചത്. മുൻ വർഷത്തെ അപേക്ഷിച്ച് വിൽപ്പനയിൽ 20.99 ശതമാനം വാർഷിക വളർച്ചയാണ് ഈ കാലയളവിൽ മാരുതി നേടിയത്. 2024 നവംബറിൽ ഇത് 1,41,312 യൂണിറ്റായിരുന്നു. എർട്ടിഗ, ബ്രെസ്സ, സ്വിഫ്റ്റ്, ഡിസയർ, ഗ്രാൻഡ് വിറ്റാര തുടങ്ങിയ ജനപ്രിയ മോഡലുകളാണ് കമ്പനിയുടെ വിൽപ്പനയിൽ ഏറ്റവും കൂടുതൽ സംഭാവന നൽകിയത്.
കയറ്റുമതിയിൽ 60% വർദ്ധനവ്
ആഭ്യന്തര വിൽപ്പനയ്ക്ക് പുറമെ കയറ്റുമതിയിലും മാരുതി സുസുക്കി ശ്രദ്ധേയമായ വളർച്ച കൈവരിച്ചു. കഴിഞ്ഞ മാസം, മൊത്തം 46,057 യൂണിറ്റ് കാറുകളാണ് രാജ്യത്തേക്ക് കയറ്റുമതി ചെയ്തത്. 2024 നവംബറിൽ ഇത് 28,633 യൂണിറ്റായിരുന്നു. ഈ കാലയളവിൽ മാരുതി സുസുക്കിയുടെ കയറ്റുമതി വാർഷികാടിസ്ഥാനത്തിൽ 60.85 ശതമാനം വർദ്ധിച്ചു.
സെഗ്മെന്റ് തിരിച്ചുള്ള പ്രകടനം
കമ്പനിയുടെ എല്ലാ വിഭാഗങ്ങളിലും ശക്തമായ പ്രകടനമാണ് കാഴ്ചവെച്ചത്.
യൂട്ടിലിറ്റി വാഹനങ്ങൾ: ബ്രെസ്സ, എർട്ടിഗ, ഫ്രോങ്ക്സ്, ഗ്രാൻഡ് വിറ്റാര, ജിംനി, എക്സ്എൽ6 തുടങ്ങിയ യൂട്ടിലിറ്റി വാഹനങ്ങളാണ് കമ്പനിയുടെ ഏറ്റവും വലിയ വളർച്ചയ്ക്ക് കാരണമായത്. ഈ വിഭാഗത്തിൽ ആകെ 72,498 യൂണിറ്റുകൾ വിറ്റഴിച്ചു, കഴിഞ്ഞ വർഷം ഇത് 59,03 യൂണിറ്റുകളായിരുന്നു.
മിനി, കോംപാക്റ്റ് കാറുകൾ: പാസഞ്ചർ കാർ പോർട്ട്ഫോളിയോയിൽ, ആൾട്ടോ, എസ്-പ്രസ്സോ എന്നിവ ഉൾപ്പെടുന്ന മിനി സെഗ്മെന്റ് 12,347 യൂണിറ്റുകൾ വിറ്റു (കഴിഞ്ഞ വർഷം 9,750 യൂണിറ്റ്). ബെലേനോ, സ്വിഫ്റ്റ്, വാഗൺആർ, ഡിസയർ, സെലേറിയോ, ഇഗ്നിസ് എന്നിവ ഉൾപ്പെടുന്ന കോംപാക്റ്റ് സെഗ്മെന്റ് 72,926 യൂണിറ്റുകൾ വിറ്റു (കഴിഞ്ഞ വർഷം 61,373 യൂണിറ്റ്).
വാൺ സെഗ്മെന്റ്: ഈക്കോ വാനും മികച്ച പ്രകടനം കാഴ്ചവച്ചു, കഴിഞ്ഞ വർഷം 10,589 യൂണിറ്റുകൾ വിറ്റഴിച്ചതിൽ നിന്ന് 13,200 യൂണിറ്റുകൾ വിറ്റഴിച്ചു.