കുടുംബ വഴക്കിനിടയിൽ ഭർത്താവിന്റെ വെട്ടറ്റ് ചികിത്സയിലായിരുന്ന ഭാര്യ മരിച്ചു

കുടുംബ വഴക്കിനിടയിൽ ഭർത്താവിന്റെ വെട്ടേറ്റ യുവതി ആശുപത്രിയിൽ മരണത്തിന് കീഴടങ്ങി. അനുമോൾ (26) ആണ് ആശുപത്രിയിൽ മരിച്ചത്, ഭർത്താവ് രജീഷിനെ (31) പോലീസ് കസ്റ്റഡിയിലെടുത്തു.

ഞായറാഴ്ച രാവിലെ 11ന് അനുമോളുടെ വീട്ടിലാണ് സംഭവം.കുടുംബ വഴക്കിനെ തുടർന്നാണ് രജീഷ് അനുമോളെ മർദിച്ചതെന്ന് പോലീസ് പറഞ്ഞു. ചുറ്റിക കൊണ്ട് അനുമോളുടെ തലയിൽ അടിച്ച ശേഷം കഴുത്തിൽ കുത്തുകയായിരുന്നു. സംഭവം നടക്കുമ്പോൾ അനുമോളുടെ അച്ഛൻ രവിയും അമ്മ അംബികയും ജോലിക്ക് പോയേക്കുവായിരുന്നു. രവി തിരിച്ചെത്തിയപ്പോൾ അനുമോളെ ഗുരുതര പരുക്കുകളോടെയാണ് കണ്ടത്.

ഉടൻ ആലുവയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അനുമോളും രജീഷും പ്രണയ വിവാഹമായിരുന്നു. കുടുംബ വഴക്കിനെ തുടർന്ന് അനുമോൾ സ്വന്തം വീട്ടിലേക്ക് പോയിരുന്നു. എന്നാൽ പിന്നീട് എല്ലാം പരിഹരിച്ച് ഇരുവരും സമാധാനപരമായ ജീവിതം നയിക്കുകയായിരുന്നു. എന്നാൽ അനുമോളുടെ വിശ്വാസവഞ്ചനയിൽ സംശയം തോന്നിയ രജീഷ് അനുമോളെ ആക്രമിക്കുകയായിരുന്നു. സംഭവത്തിൽ പോലീസ് ഇൻക്വസ്റ്റ് നടത്തി.