പാർലമെന്റിലെ അതിക്രമം: പ്രതിയുടെ കസ്റ്റഡികാലാവധി രണ്ടാഴ്ചത്തേക്കു നീട്ടി ഡൽഹി മജിസ്‌ട്രേറ്റ് കോടതി

പാർലമെന്റ് അതിക്രമത്തിൽ അറസ്റ്റിലായ മഹേഷ് കുമാവതിന്റെ കസ്റ്റഡികാലാവധി ഡൽഹി മജിസ്‌ട്രേറ്റ് കോടതി രണ്ടാഴ്ചത്തേക്കു നീട്ടി. 15-ന് അറസ്റ്റിലായ മഹേഷ് കുമാവതിനെ കനത്തസുരക്ഷാസന്നാഹങ്ങളോടെയാണ് ശനിയാഴ്ച കോടതിയിൽ ഹാജരാക്കിയത്. ഒരാഴ്ചത്തെ പോലീസ് കസ്റ്റഡി വെള്ളിയാഴ്ച അവസാനിച്ചിരുന്നു. യു.എ.പി.എ. ചുമത്തിയ പ്രതിയെ പരമാവധി 30 ദിവസമാണ് പോലീസിന് കസ്റ്റഡിയിൽവെക്കാനാകുക.