മുഖ്യമന്ത്രി പിണറായി വിജയനെതിരെ രൂക്ഷ വിമര്ശനവുമായി കെ സുധാകരൻ

തിരുവനന്തപുരം : കെപിസിസി അധ്യക്ഷൻ കെ സുധാകരൻ മുഖ്യമന്ത്രി പിണറായി വിജയനെതിരെ രൂക്ഷ വിമ‍ര്‍ശനവുമായി രംഗത്ത്. കൊലയാളി മനസാണ് പിണറായിക്കെന്നും ക്രൂരതയുടെ പര്യായമാണെന്നും സുധാകരൻ കുറ്റപ്പെടുത്തി.

ജുഡീഷ്യൽ അന്വേഷണം നവകേരള സദസിലെ പൊലീസ് അതിക്രമത്തിൽ ആവശ്യപ്പെട്ട് കോടതിയിൽ പോകുമെന്നും കോൺഗ്രസ്‌ സംസ്ഥാന അധ്യക്ഷൻ അറിയിച്ചു. ‘പിണറായി വിജയനെ നിലയ്ക്ക് നിര്‍ത്താൻ സിപിഎമ്മിൽ ആളില്ലെന്ന സ്ഥിതിയാണ്. ജനാധിപത്യപരമായി സമരം നടത്താൻ കഴിയുന്നില്ല. കേരളത്തിൽ കരിങ്കൊടി കാണിക്കാൻ പോലും പറ്റുന്നില്ല. മാധ്യമപ്രവർത്തകരെ മുഖ്യമന്ത്രി വാർത്തസമ്മേളനങ്ങളിൽ പുച്ഛിക്കുന്നു. കെ എസ് യു- യുത്ത് കോൺഗ്രസ്‌ കുട്ടികൾക്കെതിരെ കേസ് എടുക്കുകയും അവരെ അടിക്കുകയും ചെയ്യുന്നുവെന്നും അദ്ദേഹം പറഞ്ഞു