9,00,00,00,000 രൂപ വിലയുള്ള ആ ആഡംബര കാറുകൾ അറ്റ്ലാന്റിക് സമുദ്രത്തിന്റെ അടിത്തട്ടിൽ കിടക്കുന്നു; സംഭവിച്ചത് ഇതാണ്

ഈ കഥ.. അല്ല ഈ സംഭവം കേട്ടാൽ സാധാരണക്കാരന്റെ മാത്രമല്ല ഏതൊരു ബിസിനസുകാരൻെറയും ഉള്ളൊന്നു കിടുങ്ങിപ്പോകും..! ആഡംബര വാഹന നിർമ്മാതാക്കളെയും ലോകമെമ്പാടുമുള്ള ധനികരായ ഉപഭോക്താക്കളെയും ഞെട്ടിച്ചുകൊണ്ട്, 9000 കോടി രൂപയുടെ (ഏകദേശം $400 മില്യൺ) ആഡംബര കാറുകൾ അറ്റ്ലാന്റിക് സമുദ്രത്തിന്റെ അടിത്തട്ടിൽ മുങ്ങിപ്പോയി. 2022 ഫെബ്രുവരി 16-ന്, ജർമ്മനിയിൽ നിന്ന് അമേരിക്കയിലേക്ക് യാത്ര ചെയ്യുന്നതിനിടെയാണ് ഫെലിസിറ്റി എയ്‌സ് (Felicity Ace) എന്ന ചരക്കുകപ്പലിൽ തീപിടിത്തമുണ്ടായത്. കപ്പൽ മുങ്ങിയതോടെ, അത്രയും വാഹന ശേഖരമാണ് സമുദ്രാന്തർഭാഗത്ത് 3,500 മീറ്റർ ആഴത്തിൽ എത്തിച്ചേർന്നത്.

അമേരികകയിലെ ഡേവിസ്‌വില്ലിലേക്ക് പുറപ്പെട്ട ഫെലിസിറ്റി എയ്‌സ് കപ്പലിൽ ഏകദേശം 4,000 ആഡംബര വാഹനങ്ങളാണ് ഉണ്ടായിരുന്നത്. അറ്റ്ലാന്റിക് സമുദ്രത്തിന് കുറുകെയുള്ള യാത്രയ്ക്കിടെ കപ്പലിൽ പെട്ടെന്ന് തീപിടുത്തമുണ്ടായതാണ് ദുരന്തത്തിലേക്ക് നയിച്ചത്. കപ്പലിൽ ഉണ്ടായിരുന്നത് പുതിയതും ഉപഭോക്താക്കൾ പ്രത്യേകം ആവശ്യപ്പെട്ട സവിശേഷതകളുള്ളതുമായ വാഹനങ്ങളായിരുന്നു. മൊത്തം സാമ്പത്തിക നഷ്ടം $335 മില്യൺ മുതൽ $400 മില്യൺ വരെ അതായത് ഏകദേശം 2962 കോടി രൂപ മുതൽ 3537 കോടി രൂപ വരെ)ആണെന്നാണ് കണക്കാക്കുന്നത്. തീപിടിത്തം റിപ്പോർട്ട് ചെയ്ത ദിവസം കപ്പലിൽ കൃത്യമായി 3,965 കാറുകൾ ഉണ്ടായിരുന്നു.

ഫോക്‌സ്‌വാഗൺ ഗ്രൂപ്പിന് കീഴിലുള്ള നിരവധി പ്രമുഖ ബ്രാൻഡുകളിൽ നിന്നുള്ള കാറുകളാണ് ഫെലിസിറ്റി എയ്‌സിൽ ഉണ്ടായിരുന്നത്.

ലംബോർഗിനി 6 അവന്റഡോർ യൂണിറ്റുകളും 10 ഉറുസ് എസ്‌യുവികളും ഇതിൽ ഉൾപ്പെട്ടിരുന്നു. അവന്റഡോർ അൾട്ടിമേ യൂണിറ്റുകൾ ഉൾപ്പെടെയുള്ള പരിമിത പതിപ്പുകൾ ഉപഭോക്തൃ ഓർഡറുകൾ നിറവേറ്റുന്നതിനായി പിന്നീട് കമ്പനി പുനർനിർമ്മിക്കുകയാണുണ്ടയത്. പോർഷെയുടെ 1,117 വാഹനങ്ങളിൽ 126 കയെൻ മോഡലുകളും 718, 911, ടെയ്‌കാൻ ലൈനുകളും ഉൾപ്പെടുന്നു.

ലോകമെമ്പാടുമുള്ള റോഡുകളിൽ ഓടാൻ ഉദ്ദേശിച്ചിരുന്ന ഈ കാറുകളെല്ലാം ഇപ്പോൾ അറ്റ്ലാന്റിക് സമുദ്രത്തിന്റെ അടിത്തട്ടിൽ ഏകദേശം 3,500 മീറ്റർ (2.17 മൈൽ) ആഴത്തിൽ തുരുമ്പെടുത്ത് കിടക്കുകയാണ് എന്നതാണ് വസ്തുത.

ഫെലിസിറ്റി എയ്‌സ് ദുരന്തം, ആഗോള വിതരണ ശൃംഖലയുടെ ദുർബലതയും ഒറ്റ സംഭവത്തിലൂടെ ഉണ്ടായ സാധ്യതയുള്ള ഭീമമായ സാമ്പത്തിക നഷ്ടവും അടിവരയിടുന്നുണ്ട്.