ക്വാൽകോമിന്റെ ഏറ്റവും പുതിയ സ്നാപ്ഡ്രാഗൺ 8 ജെൻ 5 ചിപ്സെറ്റിൽ പ്രവർത്തിക്കുന്ന മോട്ടോറോള സിഗ്നേച്ചർ, വേഗതയുടെ കാര്യത്തിൽ വിട്ടുവീഴ്ചയില്ലാത്ത അനുഭവമാണ് നൽകുന്നത്. 16 GB വരെയുള്ള റാമും 1 TB വരെയുള്ള സ്റ്റോറേജും ഇതിൽ ലഭ്യമാണ്. ആൻഡ്രോയിഡ് 16-ൽ അധിഷ്ഠിതമായ മോട്ടോറോളയുടെ പുതിയ ഹലോ യുഐ ആണ് ഇതിൽ ഉപയോഗിച്ചിരിക്കുന്നത്. 6.8 ഇഞ്ച് സൂപ്പർ എച്ച്ഡി അമോലെഡ് ഡിസ്പ്ലേ, 165Hz റീഫ്രഷ് റേറ്റ്, 6,200 നിറ്റ്സ് പീക്ക് ബ്രൈറ്റ്നസ് എന്നിവ മികച്ച ദൃശ്യാനുഭവം ഉറപ്പാക്കുന്നു. നനഞ്ഞ വിരലുകൾ ഉപയോഗിച്ചും ഫോൺ പ്രവർത്തിപ്പിക്കാൻ സഹായിക്കുന്ന ‘സ്മാർട്ട് വാട്ടർ ടച്ച്’ സാങ്കേതികവിദ്യ ഇതിന്റെ പ്രത്യേകതയാണ്.
ക്യാമറയുടെ കാര്യത്തിൽ സമാനതകളില്ലാത്ത മികവാണ് ഫോൺ പുലർത്തുന്നത്. പിന്നിൽ മൂന്ന് 50 മെഗാപിക്സൽ ക്യാമറകളാണ് നൽകിയിരിക്കുന്നത്. സോണിയുടെ LYT 828 സെൻസർ പ്രധാന ക്യാമറയായും, 100x സൂം വരെയുള്ള പെരിസ്കോപ്പ് ടെലിഫോട്ടോ ലെൻസും, അൾട്രാവൈഡ് ലെൻസും ഇതിൽ ഉൾപ്പെടുന്നു. സെൽഫികൾക്കായി മുന്നിലും 50 മെഗാപിക്സൽ ക്യാമറയുണ്ട്. 8K വീഡിയോ റെക്കോർഡിംഗ് സൗകര്യമുള്ള ഈ ഫോൺ മികച്ച ഫോട്ടോഗ്രാഫി പ്രേമികളെ ലക്ഷ്യമിട്ടുള്ളതാണ്
IP68, IP69 റേറ്റിംഗുകളോടു കൂടിയ ഈ ഫോൺ പൊടിയെയും വെള്ളത്തെയും പ്രതിരോധിക്കാൻ ശേഷിയുള്ളതാണ്. കൂടാതെ സൈനിക നിലവാരത്തിലുള്ള സുരക്ഷാ സർട്ടിഫിക്കേഷനും ഇതിനുണ്ട്. 5,200 mAh സിലിക്കൺ കാർബൺ ബാറ്ററിയാണ് ഇതിൽ നൽകിയിരിക്കുന്നത്. 90W വയർഡ് ചാർജിംഗും 50W വയർലെസ് ചാർജിംഗും ഇത് പിന്തുണയ്ക്കുന്നു. 59,999 രൂപ മുതലാണ് ഇന്ത്യയിൽ ഇതിന്റെ വില ആരംഭിക്കുന്നത്. എച്ച്ഡിഎഫ്സി, ആക്സിസ് ബാങ്ക് കാർഡുകൾ ഉപയോഗിക്കുന്നവർക്ക് 5,000 രൂപയുടെ കിഴിവും ലഭ്യമാണ്.