ബോളിവുഡ് അരങ്ങേറ്റത്തിനൊരുങ്ങി നടി കല്യാണി പ്രിയദർശൻ. ജയ് മേഹ്ത സംവിധാനം ചെയ്യുന്ന പ്രളയ് എന്ന ചിത്രത്തിലൂടെയാണ് കല്യാണിയുടെ ബോളിവുഡ് അരങ്ങേറ്റം.
ചിത്രത്തിന്റെ ചിത്രീകരണം ഏപ്രിലില് ആരംഭിക്കുമെന്നാണ് റിപ്പോർട്ട്. രൺവീർ സിങ് ആണ് സിനിമയിലെ നായകൻ.ഹന്സല് മെഹ്തയും രണ്വീര് സിങും ചേര്ന്നാണ് സിനിമയുടെ നിര്മാണം. രണ്വീറിന്റെ ആദ്യ നിര്മാണമാണ് പ്രളയ്. സമീര് നായരും ചിത്രത്തിന്റെ നിര്മാണത്തില് പങ്കാളിയാകും. ഒരു സോമ്പി ചിത്രമാണ് പ്രളയ് എന്നാണ് റിപ്പോർട്ട്. അതേസമയം, രൺവീർ സിങ്ങിനെ നായകനാക്കി ആദിത്യ ധർ സംവിധാനം ചെയ്ത മാസ്സ് ആക്ഷൻ ത്രില്ലർ ധുരന്ദർ 1000 കോടി ക്ലബ്ബിൽ ഇടം നേടി കഴിഞ്ഞു. സിനിമയുടെ രണ്ടാം ഭാഗത്തിനായുള്ള കാത്തിരിപ്പിലാണ് ആരാധകർ.
ഹിന്ദി, തെലുങ്ക്, കന്നഡ, മലയാളം, തമിഴ് എന്നീ ഭാഷകളിലായി 2026 മാർച്ച് 19 ന് ചിത്രം തിയേറ്ററുകളിൽ എത്തും. കേരളത്തിലും വലിയ വരവേൽപ്പാണ് സിനിമയ്ക്ക് ലഭിക്കുന്നത്. ജിയോ സ്റ്റുഡിയോസ് , ബി62 സ്റ്റുഡിയോസ് എന്നിവർ ചേർന്ന് നിർമിക്കുന്ന ചിത്രത്തിൽ സഞ്ജയ് ദത്ത്, അക്ഷയ് ഖന്ന, ആർ മാധവൻ, അർജുൻ രാംപാൽ എന്നിവരും നിർണ്ണായക വേഷങ്ങളിലെത്തുന്നു. ‘ഉറി ദ സർജിക്കൽ’ സ്ട്രൈക്ക് എന്ന ചിത്രത്തിലൂടെ ശ്രദ്ധ നേടിയ സംവിധായകനാണ് ആദിത്യ ധർ. ചിത്രത്തിലെ രൺവീറിന്റെയും മറ്റു അഭിനേതാക്കളുടെയും പ്രകടനങ്ങൾ കയ്യടി നേടുന്നുണ്ട്.