കേരള ലോട്ടറിയുടെ പൂജ ബമ്പർ (BR-95) നറുക്കെടുപ്പ് പൂർത്തിയായി. ആകാംഷകൾക്കൊടുവിൽ 12 കോടി രൂപയുടെ ഒന്നാം സമ്മാനം JD 545542 എന്ന ടിക്കറ്റിന് ലഭിച്ചു. രണ്ടാം സമ്മാനം ഒരു കോടി രൂപ വീതം അഞ്ച് പേർക്ക് ലഭിക്കും. JA 838734, JB 124349, JC 385583, JD 676775, JE 553135 എന്നീ നമ്പറുകൾക്കാണ് രണ്ടാം സമ്മാനം.
മൂന്നാം സമ്മാനം അഞ്ച് ലക്ഷം രൂപ വീതം 10 പേർക്ക് ലഭിക്കും. നാലാം സമ്മാനമായി മൂന്ന് ലക്ഷം രൂപ വീതം അഞ്ച് പരമ്പരകൾക്കും അഞ്ചാം സമ്മാനമായി രണ്ട് ലക്ഷം രൂപ വീതം അഞ്ച് പരമ്പരകൾക്കും ലഭിക്കും. കൂടാതെ, 5000, 1000, 500, 300 രൂപ വീതമുള്ള മറ്റ് സമ്മാനങ്ങളും ഉൾപ്പെടെ ആകെ 3.32 ലക്ഷം സമ്മാനങ്ങളാണ് പൂജ ബമ്പർ ലോട്ടറിയിൽ ഉൾപ്പെടുന്നത്. ലോട്ടറി ടിക്കറ്റെടുത്തവർക്ക് ഔദ്യോഗിക ഫലം ലോട്ടറി വകുപ്പിന്റെ വെബ്സൈറ്റിൽ പരിശോധിക്കാവുന്നതാണ്