യുഎഇ ദേശീയ ദിന അവധിയോട് അനുബന്ധിച്ച് ദുബായിൽ വാഹനമോടിക്കുന്നവർക്ക് മൂന്ന് ദിവസം സൗജന്യ പൊതു പാർക്കിംഗ് പ്രഖ്യാപിച്ചു. ഈദ് അൽ ഇത്തിഹാദ് അവധിയായ തിങ്കൾ (ഡിസംബർ 1), ചൊവ്വ (ഡിസംബർ 2) ദിവസങ്ങളിലും അതിനു മുന്നോടിയായുള്ള ഞായറാഴ്ചയും (നവംബർ 30) പൊതു പാർക്കിംഗ് സൗജന്യമായിരിക്കും.
ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി നൽകുന്ന അറിയിപ്പ് പ്രകാരം, ഡിസംബർ 3 ബുധനാഴ്ച മുതൽ പാർക്കിംഗ് ഫീസ് വീണ്ടും ഈടാക്കി തുടങ്ങും. എന്നാൽ മൾട്ടി-സ്റ്റോറി കാർ പാർക്കുകളിലും അൽ ഖൈൽ ഗേറ്റ് N-365ലും ഈ സൗജന്യ പാർക്കിംഗ് ബാധകമായിരിക്കില്ല. കൂടാതെ, ദേശീയ ദിനാഘോഷങ്ങളോടനുബന്ധിച്ച് ദുബായ് മെട്രോയുടെ പ്രവർത്തന സമയത്തിലും RTA മാറ്റങ്ങൾ പ്രഖ്യാപിച്ചിട്ടുണ്ട്.