വാർഷികം പ്രമാണിച്ച് മസ്‌കിൻ്റെ X-ൽ ഞെട്ടിക്കുന്ന ഓഫർ; വെറും 89 രൂപയ്ക്ക് എക്സ് പ്രീമിയം സ്വന്തമാക്കാം, അറിയേണ്ട കാര്യങ്ങൾ ഇതെല്ലാം

ഇലോൺ മസ്‌കിൻ്റെ ഉടമസ്ഥതയിലുള്ള മൈക്രോ ബ്ലോഗിംഗ് പ്ലാറ്റ്‌ഫോമായ ‘X’ (പഴയ ട്വിറ്റർ) തങ്ങളുടെ പ്രീമിയം സബ്‌സ്‌ക്രിപ്‌ഷൻ്റെ മൂന്നാം വാർഷികം ആഘോഷിക്കുന്നതിൻ്റെ ഭാഗമായി ഉപയോക്താക്കൾക്കായി പ്രത്യേക ഓഫർ പ്രഖ്യാപിച്ചു. വെറും 89 രൂപയ്ക്ക് പ്രീമിയം അല്ലെങ്കിൽ പ്രീമിയം+ പ്ലാൻ ഒരു മാസത്തേക്ക് പരീക്ഷിക്കാൻ ഉപയോക്താക്കൾക്ക് അവസരം നൽകുന്നതാണ് ഈ പ്രത്യേക ഓഫർ.

ഈ ഡീലിലൂടെ ഉപയോക്താക്കൾക്ക് ഗ്രോക്ക് എഐ (Grok AI) ഉൾപ്പെടെയുള്ള പ്രീമിയം ആനുകൂല്യങ്ങളിലേക്ക് പ്രവേശനം ലഭിക്കും. പ്രീമിയം സബ്‌സ്‌ക്രിപ്‌ഷനുകൾ പൊതുവെ ചെലവേറിയതായതിനാൽ, ഈ പരിമിതകാല ഓഫർ വഴി കൂടുതൽ ഉപയോക്താക്കളെ പ്ലാറ്റ്‌ഫോമിലേക്ക് ആകർഷിക്കാൻ X ലക്ഷ്യമിടുന്നു. ഓഫറിൻ്റെ വിശദാംശങ്ങൾ X-ൽ ലഭ്യമാണ്.

എല്ലാ ഉപയോക്താക്കൾക്കും അവരുടെ X ഫീഡിൽ ഈ വാർഷിക ഓഫർ ദൃശ്യമാകും. താഴെ പറയുന്ന ഘട്ടങ്ങൾ പാലിച്ച് ഈ ഓഫർ ക്ലെയിം ചെയ്യാം..

‘ക്ലെയിം ഓഫർ’ ബട്ടണിൽ ക്ലിക്ക് ചെയ്യുക.

പ്രീമിയം അല്ലെങ്കിൽ പ്രീമിയം+ പതിപ്പുകളിൽ ഒന്ന് തിരഞ്ഞെടുക്കുക.

ആദ്യ മാസത്തെ പ്രത്യേക ഓഫർ വില നിങ്ങൾക്ക് ഇവിടെ കാണാൻ കഴിയും.

നിങ്ങളുടെ അക്കൗണ്ടിനായി പ്രത്യേക ഡീൽ ലഭിക്കാൻ ‘സബ്‌സ്‌ക്രൈബ് ചെയ്‌ത് പണമടയ്‌ക്കുക’ എന്നതിൽ ക്ലിക്ക് ചെയ്യുക.

പ്രീമിയം പതിപ്പ് – പ്രതിമാസം 89 രൂപയ്ക്ക് ലഭിക്കും.
പ്രീമിയം+ പ്ലാൻ – പ്രതിമാസം 890 രൂപ ചിലവാകും.

ഈ വിലകൾ ആദ്യ മാസത്തേക്ക് മാത്രമേ ബാധകമാകൂ.

ഓഫർ അവസാനിച്ച ശേഷം യാന്ത്രികമായി പണം ഈടാക്കുന്നത് ഒഴിവാക്കാൻ, ആദ്യ മാസം അവസാനിച്ചുകഴിഞ്ഞാൽ ഉപയോക്താക്കൾക്ക് സബ്‌സ്‌ക്രിപ്‌ഷൻ സ്വയമേവ റദ്ദാക്കാവുന്നതാണ്.