തിരുവനന്തപുരം: രാഷ്ട്രീയ ആക്ഷേപഹാസ്യമായ ‘മുൻഷി’ എന്ന പരിപാടിയിലൂടെ ശ്രദ്ധനേടിയ അഭിനേതാവ് ഹരീന്ദ്രകുമാര് (46)അന്തരിച്ചു.ഞായറാഴ്ച രാത്രി തിരുവനന്തപുരത്ത് റോഡിൽ കുഴഞ്ഞു വീണായിരുന്നു അന്ത്യം.
കുഴഞ്ഞുവീണ ഹരീന്ദ്രകുമാറിനെ തിരുവനന്തപുരം മെഡിക്കൽ കോളെജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വീണുകിടക്കുന്നത് കണ്ട് യുവാക്കള് പൊലീസിൽ വിവരം അറിയിക്കുകയായിരുന്നു. തുടര്ന്ന് പൊലീസെത്തി ആശുപത്രിയിൽ എത്തിക്കുകയായിരുന്നു.
ഇലിപ്പോട് സ്വദേശിയാണ് ഹരീന്ദ്രകുമാർ. 18 വര്ഷത്തോളം തുടര്ച്ചയായി മുൻഷിയിൽ അഭിനയിച്ചതിന് ഗിന്നസ് ബുക്കിലും ഹരീന്ദ്രകുമാര് ഇടംപിടിച്ചിട്ടുണ്ട്. മുൻഷിയിലെ ഏറെ ജനശ്രദ്ധ പിടിച്ചുപറ്റിയ കഥാപാത്രമാണ് ഹരീന്ദ്രകുമാറിന്റേത്.