തിരുവനന്തപുരം ജില്ലയിൽ ഇന്ന് അവധി

വെട്ടുകാട് മാദ്രെ ദേവൂസ് ദൈവാലയത്തിലെ തിരുനാൾ പ്രമാണിച്ച് തിരുവനന്തപുരം ജില്ലയിലെ പ്രധാന താലൂക്കുകളിൽ നവംബർ 14 ന് പ്രാദേശിക അവധി പ്രഖ്യാപിച്ചു. ജില്ലാ കളക്ടർ അനു കുമാരി ഐ.എ.എസ് ആണ് ഇത് സംബന്ധിച്ച ഉത്തരവിറക്കിയത്.

അവധി ബാധകമാകുന്ന സ്ഥലങ്ങൾ

തിരുവനന്തപുരം, നെയ്യാറ്റിൻകര താലൂക്കുകളിൽ ഉച്ചയ്ക്ക് ശേഷമാണ് അവധി ബാധകമാകുക. ഈ പ്രദേശങ്ങൾക്ക് പുറമെ, കാട്ടാക്കട താലൂക്കിലെ താഴെ പറയുന്ന പത്ത് വില്ലേജുകളുടെ പരിധിയിൽ വരുന്ന സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമാണ്.

അമ്പൂരി

വാഴിച്ചൽ

കള്ളിക്കാട്

ഒറ്റശേഖരമംഗലം

കീഴാറ്റൂർ

കുളത്തുമ്മൽ

മാറനല്ലൂർ

മലയിൻകീഴ്

വിളവൂർക്കൽ

വിളപ്പിൽ

അതേസമയം, സംസ്ഥാന തിരഞ്ഞെടുപ്പ് കമ്മീഷൻ്റെ നിർദ്ദേശപ്രകാരം തദ്ദേശ തിരഞ്ഞെടുപ്പുമായി ബന്ധപ്പെട്ട സർക്കാർ സ്ഥാപനങ്ങളെ അവധിയിൽ നിന്ന് ഒഴിവാക്കിയിട്ടുണ്ട്. തിരുവനന്തപുരം, നെയ്യാറ്റിൻകര താലൂക്കുകളിലെയും, കാട്ടാക്കട താലൂക്കിലെ മേൽപറഞ്ഞ 10 വില്ലേജുകളുടെ പരിധിയിലുള്ള തദ്ദേശ തിരഞ്ഞെടുപ്പുമായി ബന്ധപ്പെട്ട എല്ലാ സർക്കാർ സ്ഥാപനങ്ങളും ഉച്ചയ്ക്ക് ശേഷം പ്രവർത്തിക്കും. മുൻ നിശ്ചയിച്ച പ്രകാരമുള്ള പൊതുപരീക്ഷകൾക്ക് ഈ അവധി ബാധകമായിരിക്കില്ല.