‘സിതാരേ സമീൻ പർ’ ട്രെയിലർ റിലീസ് മാറ്റിവെച്ച് ആമിർ ഖാൻ

‘സിതാരേ സമീൻ പർ’ ട്രെയിലർ റിലീസ് മാറ്റിവെച്ച് ആമിർ ഖാൻ. ചിത്രത്തിന്റെ ട്രെയിലർ ഈ ആഴ്ച റിലീസ് ചെയ്യാൻ തീരുമാനിച്ചിരുന്നു. എന്നാൽ അടുത്തിടെയുണ്ടായ പഹൽഗാം ഭീകരാക്രമണത്തെത്തുടർന്ന് അത് മാറ്റിവെച്ചിരിക്കുകയാണ്. ദാരുണമായ സംഭവത്തിൽ ജീവൻ നഷ്ടപ്പെട്ടവരോടുള്ള ആദരസൂചകമായാണ് ഈ തീരുമാനം എടുത്തത്.

ഈ ആഴ്ച ഒരു ഹൈ പ്രൊഫൈൽ ലോഞ്ച് ഇവന്റിൽ ട്രെയിലർ റിലീസ് ചെയ്യാൻ തീരുമാനിച്ചിരുന്നു. ഇതിനകം തന്നെ കാര്യമായ പ്രമോഷൻ നടന്നിരുന്നതായും എന്നാൽ ഈ സമയത്ത് ലോഞ്ച് ചെയ്യുന്നത് അനുചിതമാണെന്ന് ആമിർ ഖാനും സംഘവും കരുതിയതായും അടുത്ത വൃത്തങ്ങൾ വെളിപ്പെടുത്തി. ട്രെയിലർ ലോഞ്ചിനുള്ള പുതിയ തീയതി ഇതുവരെ പ്രഖ്യാപിച്ചിട്ടില്ല.