“ജനങ്ങൾ ഇഷ്ടപ്പെടുന്ന മുഖ്യമന്ത്രി സ്ഥാനാർത്ഥി”: വീടുകൾ തോറും പ്രചാരണം നടത്തി ടിവികെ

ചെന്നൈ: തമിഴ്‌നാട്ടിൽ തങ്ങളുടെ ജനകീയ പ്രവർത്തനങ്ങൾ ഊർജിതമാക്കി നടൻ വിജയ്‌യുടെ തമിഴക വെട്രി കഴകം (ടിവികെ) പാർട്ടി. സംസ്ഥാനത്തുടനീളം വീടുതോറുമുള്ള പ്രചരണംവും ടിവികെ ആരംഭിച്ചിട്ടുണ്ട്. പാർട്ടി അംഗങ്ങൾ വീടുകൾ സന്ദർശിച്ച് വിജയ്‌ “ജനങ്ങൾ ഇഷ്ടപ്പെടുന്ന മുഖ്യമന്ത്രി സ്ഥാനാർത്ഥി” എന്ന് പ്രഖ്യാപിക്കുന്ന പോസ്റ്ററുകൾ പതിപ്പിച്ചതായും വാർത്തകൾ വന്നിരുന്നു. സംസ്ഥാനത്തുടനീളമുള്ള ബൂത്ത് തല സാന്നിധ്യം ശക്തിപ്പെടുത്തുക എന്ന ലക്ഷ്യത്തോടെ പാർട്ടി സ്ഥാപകൻ വിജയ് ഒരുക്കിയ പദ്ധതിയുടെ ഭാഗമാണ് ഈ പ്രചാരണം എന്നാണ് സൂചന.

വരാനിരിക്കുന്ന തിരഞ്ഞെടുപ്പുകൾക്ക് മുമ്പ് താമസക്കാരുമായി നേരിട്ട് ഇടപഴകാനും അവരുടെ ആശങ്കകൾ കേൾക്കാനും പാർട്ടിയുടെ രാഷ്ട്രീയ അഭിലാഷങ്ങൾക്കായി ഒരു പ്രാദേശിക പിന്തുണാ അടിത്തറ കെട്ടിപ്പടുക്കാനും അംഗങ്ങൾക്ക് നിർദ്ദേശം നൽകിയിട്ടുണ്ട് എന്നാണ് റിപ്പോർട്ടുകൾ. അതേസമയം ബൂത്ത് കമ്മിറ്റികൾ ശരിയായി സ്ഥാപിക്കുന്നതിൽ പരാജയപ്പെട്ടവർക്കെതിരെ അച്ചടക്ക നടപടി സ്വീകരിക്കാൻ അദ്ദേഹം നിർദ്ദേശിച്ചതായി പറയപ്പെടുന്നു.