പാ​ക് ഷെ​ല്ലാ​ക്ര​മ​ണം ; ജ​മ്മു കാശ്മീ​രി​ല്‍ അഞ്ച് പേർ കൊല്ലപ്പെട്ടു

ശ്രീ​ന​ഗ​ര്‍: പാകിസ്ഥാന്റെ ആക്രമണത്തിൽ ജ​മ്മു കാശ്മീ​രി​ല്‍ അഞ്ച് പേർ കൊല്ലപ്പെട്ടു.
പാ​ക് ഷെ​ല്ലാ​ക്ര​മ​ണ​ത്തി​ലും വെ​ടി​വ​യ്പ്പി​ലുമാണ് ആളുകൾ കൊല്ലപ്പെട്ടത്. ര​ജൗ​രി​യി​ലെ വ്യ​വ​സാ​യ മേ​ഖ​ല​യ്ക്ക് സ​മീ​പ​മു​ണ്ടാ​യ ആ​ക്ര​മ​ണ​ത്തി​ല്‍ ര​ണ്ട് വ​യ​സു​കാ​രി ഐ​ഷ നൂ​ര്‍, മു​ഹ​മ്മ​ദ് ഷോ​ഹി​ബ്(35) എ​ന്നി​വ​ര്‍ കൊ​ല്ല​പ്പെ​ട്ടു.

പൂ​ഞ്ച് ജി​ല്ല​യി​ലെ മെ​ന്ദാ​ര്‍ സെ​ക്ട​റി​ല്‍ ഷെ​ല്‍ ആ​ക്ര​മ​ണ​ത്തി​ല്‍ സ്ത്രീ ​കൊ​ല്ല​പ്പെ​ട്ടു. അ​മ്പ​ത്ത​ഞ്ചു​കാ​രി​യാ​യ റാ​ഷി​ദ​യാ​ണ് മ​രി​ച്ച​ത്. ര​ജൗ​രി​യി​ലെ അ​ഡീ​ഷ​ണ​ല്‍ ഡി​സ്ട്രി​ക്റ്റ് ഡെ​വ​ല​പ്പ്‌​മെ​ന്‍റ് ക​മ്മീ​ഷ​ണ​ര്‍ രാ​ജ്കു​മാ​ര്‍ ഥാ​പ്പ​യും ഷെ​ല്ലാ​ക്ര​മ​ണ​ത്തി​ൽ കൊ​ല്ല​പ്പെ​ട്ടി​രു​ന്നു.ജ​മ്മു ജി​ല്ല​യി​ലെ ആ​ര്‍​എ​സ് പു​ര സെ​ക്ട​റി​ൽ പാ​ക് സൈ​ന്യ​ത്തി​ന്‍റെ വെ​ടി​വ​യ്പ്പി​ലും ഒ​രാ​ള്‍ കൊ​ല്ല​പ്പെ​ട്ടു. ബി​ദി​പൂ​ര്‍ ജ​ട്ട ഗ്രാ​മ​ത്തി​ലെ താ​മ​സ​ക്കാ​ര​നാ​യ അ​ശോ​ക് കു​മാ​ര്‍ ആ​ണ് മ​രി​ച്ച​ത്.

അതെ സമയം , പാകിസ്താന്‍ ആക്രമണത്തിന് കനത്ത തിരിച്ചടി നല്‍കി ഇന്ത്യന്‍ സൈന്യം. പാക് സൈന്യത്തിന്റെ ഒട്ടേറെ സൈനിക പോസ്റ്റുകളും ലോഞ്ച്പാഡും ഇന്ത്യന്‍ സൈന്യം തകര്‍ത്തതായാണ് റിപ്പോര്‍ട്ട്. ഡ്രോണുകള്‍ വിക്ഷേപിക്കാന്‍ ഉപയോഗിച്ചിരുന്ന ലോഞ്ച്പാഡാണ് ഇന്ത്യന്‍ സൈന്യം തകര്‍ത്തത്. ജമ്മുവിന് സമീപത്തായി നിലയുറപ്പിച്ച സൈനികരാണ് പാകിസ്താന് ഇത്തരത്തില്‍ കനത്ത തിരിച്ചടി നല്‍കിയതെന്നും സൈനികവൃത്തങ്ങളെ ഉദ്ധരിച്ച് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു. ഇതിന്റെ വീഡിയോദൃശ്യങ്ങളും വാര്‍ത്താ ഏജന്‍സികള്‍ പുറത്തുവിട്ടിട്ടുണ്ട്.