പാക് ഡ്രോണുകള്‍ ലക്ഷ്യമിട്ടത് 26 സ്ഥലങ്ങള്‍ ; തിരിച്ചടിച്ച് ഇന്ത്യ

ഡല്‍ഹി: പ്രകോപനം തുടരുന്ന പാകിസ്താന്‍ വെള്ളിയാഴ്ച ലക്ഷ്യമിട്ടത് ഇന്ത്യയിലെ 26-ഓളം നഗരങ്ങള്‍. ജമ്മു കശ്മീര്‍, പഞ്ചാബ്, രാജസ്ഥാന്‍, ഗുജറാത്ത് സംസ്ഥാനങ്ങളിലെ വിവിധ നഗരങ്ങളിലാണ് പാകിസ്താന്‍ ഡ്രോണുകള്‍ ആക്രമണം നടത്താന്‍ ശ്രമിച്ചത്. അവന്തിപ്പോരയിലെ വ്യോമതാവളമടക്കം പാക് ലക്ഷ്യമിട്ടുവെങ്കിലും ഇന്ത്യ എല്ലാ ശ്രമങ്ങളെയും തകർത്തു.

ജമ്മു കശ്മീരിലെ സാംബ, രജൗരി, ജമ്മു മേഖലകളിലും പഞ്ചാബിലെ പത്താന്‍കോട്ട്, അമൃത്സര്‍ മേഖലകളിലും പാക് ഡ്രോണുകളെത്തി. രാജസ്ഥാനിലെ മൂന്നിടങ്ങളിലാണ് ഡ്രോണാക്രമണത്തിനായി പാകിസ്താന്‍ ശ്രമം നടത്തിയത്. ജയ്‌സാല്‍മെര്‍, ബാര്‍മര്‍, പൊഖ്രാന്‍ എന്നിവിടങ്ങളിലാണ് ഡ്രോണുകളെത്തിയത്. വടക്കന്‍ കശ്മീരിലെ കുപ്‌വാര, സാംബ, പൂഞ്ച്, ഉറി മേഖലകളില്‍ കനത്ത വെടിവെപ്പുണ്ടായി.

അ​തി​നി​ടെ പാ​ക് സൈ​നി​ക താ​വ​ള​ങ്ങ​ളി​ൽ ആ​ക്ര​മ​ണം നം​ട​ന്നു​വെ​ന്നും പി​ന്നി​ൽ ഇ​ന്ത്യ​യാ​ണെ​ന്നും പാ​ക്കി​സ്ഥാ​ൻ ആ​രോ​പി​ച്ചു. നൂ​ർ ഖാ​ൻ, മു​രി​ദ്, റ​ഫീ​ഖി വ്യോ​മ​ത്താ​വ​ള​ങ്ങ​ൾ ആ​ക്ര​മി​ക്ക​പ്പെ​ട്ടെ​ന്ന് പാ​ക് സൈ​ന്യം അ​റി​യി​ച്ചു.ആ​ക്ര​മ​ണം ന​ട​ത്തി​യ​ത് ഇ​ന്ത്യ​യാ​ണെ​ന്നും പാ​ക്കി​സ്ഥാ​ൻ പ​റ​ഞ്ഞു. ശ​ക്ത​മാ​യി തി​രി​ച്ച​ടി​ക്കു​മെ​ന്നും പാ​ക്കി​സ്ഥാ​ൻ വ്യ​ക്ത​മാ​ക്കി.