റോയൽ എൻഫീൽഡ് ഹണ്ടർ 350 നാളെ എത്തും

പുതുക്കിയ റോയൽ എൻഫീൽഡ് ഹണ്ടർ 350 2025 ഏപ്രിൽ 26 ന് പുറത്തിറക്കുമെന്ന് റിപ്പോർട്ട്. ഈ പുതുക്കിയ ബൈക്കിൽ പുതിയ കളർ സ്‍കീമുകൾക്കൊപ്പം ചെറിയ സവിശേഷതകളും മെക്കാനിക്കൽ അപ്‌ഗ്രേഡുകളും ലഭിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.

ഹണ്ടർ 350-ൽ പുതിയ ട്വിൻ ഷോക്ക് അബ്സോർബർ റിയർ സസ്‌പെൻഷൻ സജ്ജീകരണം ഉണ്ടാകുമെന്ന് പ്രതീക്ഷിക്കുന്നു. ഇത് റൈഡ് നിലവാരവും പ്രകടനവും മെസിഗപ്പെടുത്താൻ സഹായിക്കും. 2025 റോയൽ എൻഫീൽഡ് ഹണ്ടർ 350 ന് ചെറിയ ഹാലൊജൻ യൂണിറ്റിന് പകരമായി പുതിയതും വൃത്താകൃതിയിലുള്ളതുമായ എൽഇഡി ഹെഡ്‌ലൈറ്റ് ലഭിക്കുമെന്ന് സ്പൈ ചിത്രങ്ങൾ വെളിപ്പെടുത്തുന്നു.

മുകളിൽ സൂചിപ്പിച്ചതുപോലെ, ഡാപ്പർ വൈറ്റ്, റെബൽ ബ്ലാക്ക്, ഡാപ്പർ ജി, റെബൽ റെഡ്, ഡാപ്പർ ഗ്രേ, റെബൽ ബ്ലൂ, ഡാപ്പർ ഒ, ഫാക്ടറി ബ്ലാക്ക് എന്നിവ ഉൾപ്പെടുന്ന ചില പുതിയ പെയിന്റ് ഓപ്ഷനുകൾ നിലവിലുള്ള കളർ പാലറ്റിൽ ചേരാൻ സാധ്യതയുണ്ട്. എഞ്ചിൻ സജ്ജീകരണം മാറ്റമില്ലാതെ തുടരും.

പുതിയ റോയൽ എൻഫീൽഡ് ഹണ്ടർ 350 5-സ്പീഡ് ഗിയർബോക്സുമായി ജോടിയാക്കിയ 349 സിസി, സിംഗിൾ-സിലിണ്ടർ, എയർ-കൂൾഡ് എഞ്ചിൻ ഉപയോഗിക്കുന്നത് തുടരും. ഈ മോട്ടോർ പരമാവധി 20.2 bhp പവറും 27 Nm ടോർക്കും പുറപ്പെടുവിക്കുന്നു. നഗര റൈഡർമാരെ ആകർഷിക്കുന്ന ഏറ്റവും താങ്ങാനാവുന്ന 350 സിസി റോയൽ എൻഫീൽഡ് ഓഫറാണ് ഹണ്ടർ 350. നിലവിൽ, അതിന്റെ അടിസ്ഥാന റെട്രോ വേരിയന്റിന് 1.50 ലക്ഷം രൂപയും ഉയർന്ന മെട്രോ വേരിയന്റിന് 1.75 ലക്ഷം രൂപയുമാണ് എക്സ്-ഷോറൂം വില.