മോഹൻലാൽ ചിത്രം ‘തുടരും’: അഡ്വാന്‍സ് ബുക്കിംഗിലൂടെ കേരളത്തില്‍ നിന്ന് ഇതുവരെ നേടിയിരിക്കുന്നത് 1.51 കോടി

കൊച്ചി : മോഹൻലാൽ- ശോഭന കോംബോയിൽ തരുൺ മൂർത്തി ഒരുക്കുന്ന ചിത്രം അഡ്വാന്‍സ് ബുക്കിംഗിലൂടെ കേരളത്തില്‍ നിന്ന് ഇതുവരെ നേടിയിരിക്കുന്നത് 1.51 കോടി. റിലീസിന് ഒരു ദിവസം ശേഷിക്കെയാണ് ഇത്. അതായത് ഫൈനല്‍ ഫിഗര്‍ ഇതിനേക്കാള്‍ മുകളില്‍ പോവും. ബസൂക്കയുടെ കേരള പ്രീ സെയില്‍സ് (ആകെ) 1.50 കോടിയും നസ്‍ലെന്‍ ചിത്രം ആലപ്പുഴ ജിംഖാനയുടേത് 1.40 കോടിയും ആയിരുന്നു. അതേസമയം എമ്പുരാന്‍റെ കേരള അഡ്വാന്‍സ് ബുക്കിംഗ് 11.69 കോടിയുടേത് ആയിരുന്നു.

അതേസമയം ആഗോള ബോക്സ് ഓഫീസില്‍ നിന്ന് തുടരും ഇതിനകം 2 കോടിക്ക് മുകളില്‍ പ്രീ സെയില്‍ നേടിയിട്ടുണ്ട്. പ്രമുഖ ഓണ്‍ലൈന്‍ ടിക്കറ്റ് ബുക്കിംഗ് പ്ലാറ്റ്‍ഫോം ആയ ബുക്ക് മൈ ഷോയിലൂടെ ചിത്രം ആദ്യദിനം 50,000 ല്‍ അധികം ടിക്കറ്റുകള്‍ വിറ്റിട്ടുമുണ്ട്. ഷണ്മുഖം എന്ന ടാക്സി ഡ്രൈവറായാണ് ചിത്രത്തില്‍ മോഹന്‍ലാല്‍ എത്തുന്നത്. ശോഭനയാണ് ചിത്രത്തിലെ നായിക. ബിനു പപ്പു, ഫർഹാൻ ഫാസിൽ, മണിയൻപിള്ള രാജു എന്നിവര്‍ക്കൊപ്പം നിരവധി പുതുമുഖങ്ങളും ചിത്രത്തില്‍ അഭിനയിക്കുന്നു. ഷാജി കുമാര്‍ ആണ് ഛായാ​ഗ്രഹണം. എഡിറ്റിം​ഗ് നിഷാദ് യൂസുഫ്, ഷെഫീഖ് വി ബി, സം​ഗീതം ജേക്സ് ബിജോയ്, എക്സിക്യൂട്ടീവ് പ്രൊഡ്യൂസര്‍ അവന്തിക രഞ്ജിത്ത്, ശബ്ദ സംവിധാനം വിഷ്ണു ​ഗോവിന്ദ്, കലാസംവിധാനം ​ഗോകുല്‍ ദാസ്. കെ ആര്‍ സുനിലിന്‍റെ കഥയ്ക്ക് തരുണ്‍ മൂര്‍ത്തിയും കെ ആര്‍ സുനിലും ചേര്‍ന്നാണ് തിരക്കഥ ഒരുക്കിയിരിക്കുന്നത്.