ഛത്തീസ്ഗഢിൽ ഐഇഡി സ്ഫോടനത്തിൽ ഒരു ജവാന് വീരമൃത്യു

Sandhya

April 22, 2025

ഛത്തീസ്ഗഢിൽ ഐഇഡി സ്ഫോടനത്തിൽ ഒരു ജവാന് വീരമൃത്യു

റായ്പൂർ: ഛത്തീസ്ഗഢിലുണ്ടായ ഐഇഡി സ്ഫോടനത്തിൽ ഒരു ജവാന് വീരമൃത്യു. ബിജാപൂർ ജില്ലയിലാണ് സ്ഫോടനമുണ്ടായത്. സിഎഫിന്റെ 19-ാം ബറ്റാലിയനിലെ കോൺസ്റ്റബിൾ മനോജ് പൂജാരിയാണ് വീരമൃത്യു വരിച്ചത്. ബിജാപൂരിലെ ടോയ്നാർ, ഫർസേഗഢ് പ്രദേശങ്ങളിൽ നടന്ന സുരക്ഷാ ഉദ്യോഗസ്ഥരുടെ പട്രോളിംഗിനിടെയായിരുന്നു സ്ഫോടനം.

റോഡ് നിർമാണത്തിന്റെ ഭാഗമായുള്ള സുരക്ഷാ ക്രമീകരണങ്ങൾ ഒരുക്കുന്നതിനിടെയാണ് സ്ഫോടനം നടന്നത്. ടോയ്നാറിൽ നിന്ന് ഫർസേഗഢ് ഭാഗത്തേക്കാണ് റോഡ് നിർമാണം നടക്കുന്നത്. മാവോയിസ്റ്റ് സ്ഥാപിച്ച ഐഇഡിയിൽ ഉദ്യോഗസ്ഥൻ ചവിട്ടുകയായിരുന്നു. പ്രദേശത്ത് ഒളിച്ചിരിക്കുന്ന മാവോവാദികൾക്കായുള്ള തെരച്ചിൽ പുരോഗമിക്കുകയാണ്.