കൗതുകം സൃഷ്ടിച്ച് ‘പടക്കളം’ ട്രെയിലർ പുറത്ത്

നവാഗതനായ മനു സ്വരാജ് സംവിധാനം ചെയ്യുന്ന ഏറ്റവും പുതിയ ചിത്രം  പടക്കളത്തിന്‍റെ ട്രെയിലർ പുറത്ത്. മേയ് എട്ടിനാണ് ചിത്രം റിലീസ് ചെയ്യുന്നത്. നിരവധി കൗതുകങ്ങളും, സസ്പെൻസും, മിത്തും കോർത്തിണക്കിയാണ് ചിത്രം അവതരിപ്പിക്കുന്നത്.  ഫ്രൈഡേ ഫിലിം ഹൗസിന്‍റെ ബാനറിൽ വിജയ് ബാബുവും, വിജയ് സുബ്രമണ്യവും ചേർന്നാണ് ചിത്രം നിർമിക്കുന്നത്.

വിശാലമായ ക്യാൻവാസിൽ വലിയ മുതൽമുടക്കിൽ ഉയർന്ന സാങ്കേതികമികവിലൂടെയാണ് ചിത്രത്തിന്‍റെ അവതരണം. ഫാലിമി എന്ന ചിത്രത്തിലൂടെ ശ്രദ്ധ നേടിയ സന്ധീപ് പ്രദീപ്. വാഴ ഫെയിം സാഫ്, അരുൺ അജികുമാർ, (ലിറ്റിൽ ഹാർട്ട്സ് ഫെയിം) യൂട്യൂബറായ അരുൺ പ്രദീപ്, നിരഞ്ജനാ അനൂപ്, ഇഷാൻ ഷൗക്കത്ത്, പൂജാ മോഹൻരാജ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. സുരാജ് വെഞ്ഞാറമൂടും ഷറഫുദ്ദീനും പ്രധാന വേഷത്തിൽ എത്തുന്നുണ്ട്.