ഡോക്ടറെ വിവാഹവാഗ്ദാനം നൽകി പീഡിപ്പിച്ചു ; ഐപിഎസ് ഓഫീസർക്കെതിരെ കേസ്

മുംബൈ: വിവാഹവാഗ്ദാനം നൽകി ഡോക്ടറെ പീഡിപ്പിച്ച ഐപിഎസ് ഓഫീസറുടെ പേരിൽ കേസെടുത്ത് പോലീസ്.നാഗ്പുരിലാണ് സംഭവം. ഇമാംവാഡ പോലീസ് സ്റ്റേഷനിലെത്തി ഇരുപത്തിയെട്ടുകാരിയായ ഡോക്ടറാണ് പരാതിനൽക്കിയത്.

സാമൂഹികമാധ്യമങ്ങളിലൂടെയാണ് മുപ്പതുകാരനായ ഐപിഎസ് ഓഫീസർ പരിചയപ്പെട്ടതെന്നും പിന്നീട് അടുപ്പംകൂടിയെന്നുമാണ് പരാതിയിൽ പറയുന്നത്. ആ സമയത്ത് യുവാവ് യുപിഎസ്‌സി പരീക്ഷയ്ക്കും താൻ എംബിബിഎസ് കോഴ്‌സിനും തയ്യാറെടുക്കുകയായിരുന്നു.

കൂടുതൽ അടുത്തതോടെ വിവാഹവാഗ്ദാനം നൽകി തന്നെ പീഡിപ്പിക്കുകയായിരുന്നു. പിന്നീട് ഐപിഎസ് ലഭിച്ചതോടെ തന്നെ ഒഴിവാക്കുകയായിരുന്നു. തന്നെ മാനസികമായും ശാരീരികമായും അയാൾ പീഡിപ്പിച്ചു. ജാതിപറഞ്ഞ് അധിക്ഷേപിക്കുകയും ചെയ്തു.