സ്വർണ വില കുറഞ്ഞു

കൊച്ചി: നാലുദിവസത്തെ തുടർച്ചയായ വില വർധനക്ക് ശേഷം സ്വർണത്തിന് ഇന്ന് അൽപം കുറഞ്ഞു. ഗ്രാമിന് 15 രൂപയും പവന് 120 രൂപയുമാണ് കുറഞ്ഞത്. ഇതോടെ ഗ്രാമിന് 8755 രൂപയും പവന് 70,040 രൂപയുമാണ് ഇന്ന് കേരളത്തിലെ വില.

ശനിയാഴ്ചയാണ് സംസ്ഥാനത്ത് ചരിത്രത്തിലാദ്യമായി സ്വർണവില 70,000 തൊട്ടത്. 70,160 രൂപയായിരുന്നു അന്നത്തെ പവൻ വില. ഉയർന്നു. ഗ്രാമിന് 25 രൂപ ഉയർന്ന് 8770 രൂപയായിരുന്നു. ഇന്നലെയും ഇതേ വില തുടർന്ന ശേഷമാണ് ഇന്ന് അൽപം കുറഞ്ഞത്. കേരളത്തിൽ കഴിഞ്ഞ നാലുദിവസം കൊണ്ട് 4,360 രൂപയാണ് പവന് വർധിച്ചത്. ഗ്രാമിന് 545 രൂപയും കൂടിയിരുന്നു.