വീടിനടുത്ത് നിർത്തിയിട്ട ഇലക്ട്രിക് സ്കൂട്ടർ കത്തി നശിച്ചു

വേങ്ങര: വീടിനടുത്ത് നിർത്തിയിട്ട ഇലക്ട്രിക് സ്കൂട്ടർ കത്തി നശിച്ചു. ജനലിലൂടെ വീടിനകത്തേക്ക് തീ പടർന്നതോടെ വൈദ്യുതി ഉപകരണങ്ങളും വീടും ഭാഗികമായി കത്തി നശിച്ചു. എയർ കണ്ടീഷനർ ഉൾപ്പെടെയുള്ള ഉപകരണങ്ങളും വയറിങ്ങും കത്തിക്കരിഞ്ഞു.

തിരൂരങ്ങാടിക്കടുത്ത് മമ്പുറം മഖാമിന് മുൻവശം എ.പി. അബ്ദുല്ലത്തീഫിന്റെ വീടിന്റെ പോർച്ചിൽ നിർത്തിയിട്ടിരുന്ന ടി.വി.എസ്. ഐക്യൂബ് എസ് ഇലക്ട്രിക് സ്കൂട്ടറിനാണ് തീപിടിച്ചത്. രാത്രി 12 മണിയോടെ വീടിനു പുറത്ത് ജനവാതിലിലൂടെ വെളിച്ചം കണ്ടപ്പോൾ ഏതെങ്കിലും വാഹനം വരുന്നതാവുമെന്ന് കരുതി വീട്ടുടമ പുറത്തിറങ്ങി നോക്കിയപ്പോഴാണ് സ്‌കൂട്ടർ നിന്നു കത്തുന്നത് ശ്രദ്ധയിൽപെട്ടത്.