വണ്ടൻപതാൽ മേഖലയിലെ കുടിവെള്ള പ്രശ്നത്തിന് ശാശ്വത പരിഹാരമായി 

ജില്ലാ പഞ്ചായത്തിൻ്റെ 2024-25 വാർഷിക പദ്ധതിയിൽ ഉൾപ്പെടുത്തി 4.8 ലക്ഷം രൂപയാണ് പദ്ധതിക്കായി ചെലവഴിച്ചത്.
ജില്ലാപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷയും മുണ്ടക്കയം  ഡിവിഷൻ അംഗവുമായ പി.ആർ അനുപമയുടെ ശ്രമഫലമായാണ് ഫണ്ട് ലഭ്യമാക്കിയത്. പദ്ധതിയുടെ ഉദ്ഘാടനവും പി .ആർ അനുപമ നിർവഹിച്ചു. മുണ്ടക്കയം ഡിവിഷനിൽ വിവിധ പ്രദേശങ്ങളിൽ ഇതിനോടകം ഒരു കോടി രൂപയോളം  ചെലവഴിച്ച് ജലാമൃതം എന്ന പേരിൽ നിരവധി കുടിവെള്ള പദ്ധതികൾ നടപ്പിലാക്കിയിട്ടുണ്ടെന്ന്  പി.ആർ അനുപമ പറഞ്ഞു. ഗ്രാമപഞ്ചായത്ത് അംഗം പി.എം ഫൈസൽമോൻ അധ്യക്ഷത വഹിച്ചു. പ്രദേശവാസികൾ, രാഷ്ട്രീയ പ്രവർത്തകർ എന്നിവർ പങ്കെടുത്തു.